Statement of Zo Indigenous Forum on The International Day of the World’s Indigenous Peoples

Statement of Zo Indigenous Forum on The International Day of the World’s Indigenous Peoples

Vawiin ni keini ram leilungfate (indigenous people) te tana khawvel pum ni the International Day of the World’s Indigenous People lo thlengah hian Zo hnam khawvel hmun hrang hranga awm zawng zawngte Zo Indigenous Forum chibai kan buk a che u.

Zo hnahthlakte hi Pathian zawnchhuah hnam kan ni a, ram min pe bawk a, he ni lo thlen hian Zo hnama zawng zawng te inuanau leh kan in hmangaihna ti thar turin kan ngenin kan sawm a, kan dikna leh chanvo neih te midangin min chhuahsak mai loh nan tan la a, fing taka awm turin kan chah duh a ni. Ram leh hnam kan dinchhuahna turah inuanau leh inlungrualna a pawimawh be tih hria a, inlungrual lohna leh inhuatan te, tunhma thil te paih a hmalam en turin kan insawm a ni.

Kan ram leh leilung hausakna te hi kan ta a ni a, tu sorkar mahin kan duhna thu a nih loh chuan tihluihna in min chhuh thianglo tih hria a, kan dikna leh chanvo hrechiang a, vohbik kan nihna hre reng turin leh chu nihna chu thiam tak leh tangkai taka kan ram leh hnam leh leilung hausakna midang kuta luangral mailo tura fing turin kan sawm a ni.

Kum 1994 December ni 23 a UN General Assembly (resolution 59/174 of 20 December 2004) chuan August ni 9 hi kumtin keini ram leilungfate (indigenous people) te tan Second International Decade of the World’s Indigenous People (2005-2014) chhunga hman turin a pawm a, he ni hi Un Office New York leh geneva mai bakah hmun hrang hranga hman turin a ruahman a ni.

Khawvel ram 70 velah keini am leilungfate (indigenous people) te hi mi maktaduai 370 (million) vel kan cheng a, kan hnamzia leh nundan te, tawng leh incheina bakah kan hnam bil thiamna (traditional knowledge) te hian khawvel a chainungin a chawimawi a, a ti nuam a ni.

Kum 2007 September ni 27 khan UNO General Assembly chuan keini ram leilungfate (indigenous people) te tan thupuanchhuah pawimawh tak mai "UN Declaration on the Rights of Indigenous Peoples" tih chu a passed a, he thupuan chhuah hi kan dikna chanvo leh hmasawnna kan chan ve tur te sawichhuahkin khawvel ram hrang hrang tamzawkin an pawm tawh a, ram thenkhat te chuan ram leilungfate (indigenous people) te chunga diklo tak leh hleih nei taka an chet tawh thin naah ngaihdam an dil hial a ni.

Zo hnam chitin te chibai kan buk nawn leh che u a, he pawl ropui ataka hian lo tel tur leh kan hmalakna te min thlawp tlat thin turin kan sawm a che u.

Pathianain mal a sawm ang che u.


Issued by Zo Indigenous Forum, General Headquarters, Mizoram, India

Previous
Next Post »