Naisingpara-ah Tuikuk ten Kawngzawh

Mizoram-a Bru lakluh tur Tripura-a a awm mekte chuan nimin khan Mizoram-a Bru te In halsak an nih duhlohna entirin Naisingpara atanga Dosa thleng kawng an zawh.


Kawngzawhtute hian Bru pawisawilo In hal sak pawi an tih thu leh Human Rights bawhchhiatna a nih thu an tlangau pui ber a. Mi thenkhat thil tihsual avanga thil thlengah an lawm loh thu sawiin, Mizoram sorkar chu dan leh thupek kengkawh zo lo-ah an puh a, In chan tate chu a rang thei ang bera chhawmdawlna pek an phut bawk.


MBDPF General Secretary A.Soibung-a chuan vawiin hian Mizoram sorkar hnenah ramri an kan mai a rem tawh loh avangin Tripura sorkar kaltlangin Memorandum an thehlut danw niin a sawi a. Bru raltlante laklet chu hetiang thil a thlen tak avang hian a rem ta rih dawn lo nia an ngaih thu a sawi bawk.


Mi sang chuangin Zarzokima vuiliam


Bru Revolutionary Army ten an kahhlum Zarzokima chu Zawlnuam damdawi Inah postmortem a nih hnu-in Inrinni chawhma dar 11:00 khan an khua Bungthuamah vuiliam a ni.


Vuina inkhawmah hian Bungthuam khaw chhehvel atangin mipui sang chuang an pungkhawm a, Aizawl atangin MZP Gen. Hqrs. hruaitu 20 rual leh Central YMA hruaitu 3 ten an hmanpui a. Mamit District SP hovin Police thahnem tak an tel bawk.


Zarzokima a hi a nghawng, a nak leh b├ónah silaimu luhna a awm a, a ruang chungah hian Bru Revolutionary Army ‘letter head’ awmna lehkha hnutchhiah a ni a. He lehkhaah hian Mizoram sorkarin Bru raltlan te lakkir (repatriation) atana ruahmanna a siam dan an duh loh thu te, Bru te thil phut a hlawhtling lo a nih chuan a tawp thlenga tan an tum thu te an ziak nia hriat a ni a. Naya Ram, Hachhek Orange Commander Warrant Officer, Bru National Army nia inchhalin hming a ziak hnan tih thudawnna chuan a sawi.
Previous
Next Post »