Burma ram rorelna sangberin Pi Suu Kyi-i chu thla 18 chhung lawih Khuahkhirhna In-a kharkhip tura a relthluk hnuah, Pi Suu Kyi-i chungthu chu appeal turin an dil a, an dilna chu thuneituten an phalsak thu, chanchinbumiten an puang.
Thuneituten ro dang an nei lehthut a nih loh chuan December ni 21 ah Pi Suu Kyi-i chungthu chu rel tur a ni tiin an puanzarna notice board-ah tarlan a ni.
Heita, Pi Suu Kyi-i chungthu rel tha lehtura dilna pawmsak a nihna chhan bera an rin chu; Khatia, European Union Palaiin “Burma ram nen political dialogue kan nei tak tak tawh dawn” tia Nov. 3, 2009-a a sawi vang kha niin, rin a ni.
Tin, Nov. 2, 2009 khan EU Ambassdor David Lipman leh Senior Gen. Than Shwe chu minute 30 chhung Burma ram khawpui thar—Naypyidaw ah inhmuhna neiin thusawi dunna te an neih bakah tuna hma atanga remtihtlanna an lo neih tawh Burma ram tana EU Ambassador nihna tura lehkha pawimawh pawh EU palai hian Senior Gen. Than Shwe hnenah hlanna a nei bawk a ni.
EU palai tura ruat, David Lipman hi EU ram aiawhin Burma ramah Ambassador hna chelh tur a ni dawn a. Seinior Gen. Than Shwe nen inbiakna hun pawimawh an neih hnu chuan; Burma ram Capital City hlui, Yangon ah kir lehin, chanchinbumite hnenah ualau takin “Burma ram sorkar hian Eropean Union nen thawhhona kawnga inzawmna thuthlung neih hi a duh ka ring, US nen pawh inzawmkhawmna chungchang thuthlung siam turin inbiaktawnnate an nei tawh si a” tiin a sawi a ni.
EU Palai Tin, EU Ambassidor Pu David Lipman chuan, Senior Gen. Than Shwe nen hma hun tura European leh Burma inlaichinna tha; neih dan tur sawidunna te an neih thu a sawi bakah European Union leh Burma hian political dialogue kan nei tan tawh dawn” tiin a tuihnih bawk . European Union hian Burma sipai sokar hi Human Rights kaldung a bawhchhiat avang leh Pi Aung San Suu Kyi-i hetia hrenbehna Ina an khuahkhirh tlat avang hian sipai thuneihna chelhtu rimnam ho reng rengte chu EU luhna visa an pek duh loh bakah insumdawntawnna khawngah hnung an hawisan hmiah a ni.
Mahse, “Burma ram sorkar nen thusawihona hi kan nei tur a ni lo” ti a, ngaihdan nei thintu EU chuan kan hnung lawk a, US sorkarin “insumdawntawnna khuahkhirh tlat avang hian Burma ram sorkar hi Democracy ah a inthleng thei dawn chuangin a lang lo a, chuvangin Burma sipai sokar nen hian direct taka inzawmna thuthung tha kan siam a tul a ni”, tia inremna zawnga an bawhzui nghal avang khan… EU chuan, US meuhvin thilr dan thar a neih tak si ah chuan EU pawhin Burma ram nen inlaichinna kawng tha a ngaihtuah ve ta a ni.
EU Ambassador Lipman-a chuan EU official memberten December ni 7 leh ni 8 a, Denmark ram Copenhagen a, UN huaihawtna kaltlanga buatsaih tur Conference (Climate Change Conference) ah Burma ram Foreign Minister Nyan Win-a nen a hranpa taka inhmuhna an neih theih a beisei thu te a sawi a. Ma’rawhchu, Burma sokar hian he Climate Change Conference ah hian a tu ber nge Burma ram aiawha kal tur tih erawh official takin puanzarna a la nei lo thung.
EU hian Burma ram nen hma hun zela inzawmna tha a awm theihna turin tunlai hian Tracks pathumin hma kan la ho mek zel a. Chu’ng te chu; General Humanitarian Assistance, NGO ( Non-Government Organisation ) kaltlanga sum leh paia tanpuina pek te leh politics lam hawia thusawihona te an ni ber a, tun dinhmun takah hian political dialogue track nen hma kan lak mekzelnaah hian hma kan sawn hle a ni” tiin EU palai chuan an tlangaupui a ni.
November ni 23 – 24 ah khan EU Ambassador David Lipman-a chu Burma–Thai ramria awm–Mae La Refugee Camp te va tlawhin, an dinhmun te enthlithlaina a va nei a ni. EU hian Thailand rama khawsa mek Burma Refugee Camp hrang hrang tan hian tuna hma kum 25 chhung a, (Refugee Camp an hawn tantirh te atang khan) International huapa tanpuina pek kawngah hian USD 60 million ah 65% vel hi EU atanga tanpuina a tel a ni” a ti.
source: eubisiness.com via chinworld