Header Ads

Recent Post
recent

Mizoram Human Rights Report 2009


-->
1. Introduction.
Mizoram hi India hmarchhakah awmin Latitude 21.58' & 24.35' N leh Longitude 92.15' & 93.29' E inkarah a awm a, a state pum zauzawng hi 21,087 Sq Kms a ni a, Mizoram state hi heng te hian a ri a, Khawthlang lamah Bangladesh (318 Kms) leh Tripura State (277 Kms), chhak lamah leh chhim lamah Burma (404 Kms), hmar lamah Assam State (123 Kms) leh Manipur State (95 Kms) te a ni.


2001 Cencus a a lan danin mihring 8,88,573 (Nuairiat singriat sangriat zanga leh sawmsarih pathum) an awm a, chung zinga 4,59,109 (Nuai li sing nga sangkua za leh pakua) chu mipa niin adang chu hmeichhia 4,29,464 (Nuai li sing hnih sangkua zali sawmruk leh pali) an ni thung, In (household) 1,76,134 (Nuai khat sing sarih sang ruk za leh sawmthum pali) a awm bawk.


Schedule tribe 8,39,310 an awm a, chu chu state chhung mipui atanga chhuta zaa 94.5 % a ni a, India ram chhung mipui atanga chhuta Schedule Tribe (ST) tamna ber state a ni, a ram mipui zawng zawng deuhthaw Kristian sakhaw betu an ni a, 90.5% lai an tling a, a dawtlehtu chu Buddhism sakhaw betute 70,494 an ni a ram pum mipui atanga chhutin 8.3% an ni a, a tlangpuii Chakma an ni deuh ber. Hindusakhaw betu 31,562, Muslim 10,099, Sikh 326, Jains 179, and Religion not stated 661 leh others 2,443 an awm a ni.


2008 December thla atangin Mizoram Sorkarna chu Congress kutah a awm ta a , Lal Thanhawl chu Chief Minister niin kum 2009 chhunga Mizoram State chhunga Human Rights chanchin tlangpui he report hian a theih chin chin tarlan a ni, kimchang leh phuisui tak buatsaih erawha harsa hle a, vawikhat kan buatsaihna a ni bawk a, tuna kan han buatsaih ang ang hi mitinte hriatthiama min pawmsak kan ngen a, telh awm tak tak telh loh leh telh awmloh telh te a awm anih pawhin in finchhuahna leh tawiawmna kan dil nghal a, siam leh huna a awm anih chuann tun aia changtlung leh tha zawka buatsaih kan tum tawh ang chu.

He Report hun chhungah hian thil duhawmlo tam tak a thlen lain thil lawmawm tak - Sinlung People Liberation Army (SPLA) mi leh sa 64 zet te chu Mizoram sorkar kutah July 2009-a an inpek bakah kum 2008 aiin 2009 chhung hian Mizoram pumah thubuai ziahluh chu zaa 0.49% in a tlahniam a ni.


Powered by Blogger.