Header Ads

Recent Post
recent

Consultation on Kaladan Multi Modal Transport Project neih a ni


Vawin Dt 15th September 2011 hian Zo Indigenous Forum chuan “Consultation on Kaladan Multi Modal Transport Project” kalpui mek chungchangah inrawnkhawmna (consultation) I & PR Conference Hall-ah a buatsaih a, he huna hian he project hnathawhna hmun bialtu MLA Pu C. Ramhluna chuan hmanpuiin he hmasawnna hnathawhin a ram mipuite a nghawng dan tur leh a hlawkna neih theih dantur te sawiin sorkarin mipuiten hlawkna an neih theihna tura tul nia a hriat te a sawi bawk.

He hunah hian kalkhawm ten an ngaihpawimawh zawng te sawichhuakin hmasawnna hnathawhin a ram leilung fate ah nghawng thalo a neih an hlauh thu sawiin, mipui te economic leh politics thilah pawh kan in buatsaih a ngaihthu an sawi a, sawrkar-a rawtna thlen tur hrang hrangte sawiho a ni.

He Kaladan Multi Modal Transport Project chungchanga inrawnkhawmna hi Aizawl bakah Lawngtlai-ah pawh hun remchang hmasa berah huaihawt leh an tum thu sawiin, chung inrawnkhawmna neih hnuah chuan thuneitu te hnenah rawtna mumal tak Zo Indigenous Forum chuan thlen a tum thu an sawi bawk.
Powered by Blogger.