Press Release The International Day of the World’s Indigenous Peoples Day 2012



Aizawl, 9th August 2012: Khawvel hmundang te rualin Zo Indigenous Forum leh Chin Human Rights Organisation Aizawl chuan vawiin Dt 9th August 2012 hian International Day of the World’s Indigenous Peoples lawmna hun an hmang a, he International Day of the World’s Indigenous People (9 August) hi UN General Assembly chuan December 1994 khan a vawikhatna atan hman tan turin a puang a, International Decade of the World's Indigenous People (1995 – 2004) chhungin kumtin hman turin a ruahman a. First decade alo ral tak avaning kum 2004 Assembly chuan 2005-2015 chu Second International Decade, from 2005 – 2015 ah a puang leh a ni.

Kumin thupui chu “Indigenous Media, Empowering Indigenous Voices” tih a ni a. Zo Indigenous Forum chuan zohnahthlak hrang hrang te an awmna hmun theuhah kan pi leh pu te atanga kan lo chhawm thin rinawmna leh dikna te vawng nung zela inngeih taka awm turin a sawm a. Zo nunzemawi chhawmnunga kawng engkimah ram leh hnam himna ngaipawimawh tlat turin kan sawm tak meuh a ni.
He ni lo thlengah hian Sorkar thuneitu te pawh ram leilung fate himna leh hmasawnna kawngah pawh United Nations thuthlung anga an remtihpuina (Free, Prior & Informed Consent) hmang thin tura ngenin International Labour Convention regarding to Indigenous and Tribal Peoples (ILO Pro-169) chu pawm (ratify) turin thinlung takin kan ngen bawk a ni.
Previous Post Next Post