Counter Insurgency & Jungle Warfare (CIJW),Vairengte hmalakna dem

Press Release
Counter Insurgency & Jungle Warfare (CIJW),Vairengte hmalakna dem


Zo Indigenous Forum chuan tunhnaia Counter Insurgency & Jungle Warfare (CIJW), Vairengte Commandant Maj. Gen. Rajeshwar hmalak dan chu demawm a tiin ram leilungfa (indigenous peoples) te dikna leh chanvo pawh ngaipawimawhlo hle ah a ngai a. Ram neitu te leh a chhehvela mite tana harsatna an lo siam fo tawh te ngaihtuah phei chuan Mizo mipui leh a bik takin Vairengte khawtlang chungah pawh ngaidam dil hial tur an nih laia ram neitu te vau leh tihthaih titiha an ramneihte training center tan an pelo a nih chuan Mizoram an chhuahsan maitheih thu a sawi hi demawm kan ti takzet a ni.

Ram leilungfa (indigenous peoples) hmunah Sipai chetlakna a awm dawn a nih chuan a ramneitu te phalna leh remtihna ngeia hma lak tur a ni tih United Nation Declaration on the rights of the indigenous peoples (UNDRIP) Article 30 na-ah chiang taka a inziah laia sipai hotu ten mipuite hetianga an ti mai hi mak kan ti tak zeta a. Kan ram neihchhun hi a thang dawnlo a, chuvangin kan kan uiin kan hlut em em tur a ni a, eitur leh chak kan lakna anih avangin kan nunna leh leilung (ram) hi a inzawm tlat a ni.

Ram neituten dan ang taka zangnadawmna (compensation) phut hi kan dikna leh chanvo a ni a, chumi pawh pe theilo nia an insawi leh Mizo mipuite tana harsatna tamtak lo siam tawh thintu CIJWS hian Mizoram atanga an chhuah duh a nih chuan mipuite vau leh nembet zawnga hma la lo hian, an chhuak duh a nih chuan chhuak mai turin kan duh bawk a ni.

Issued by Zo Indigenous Forum

English News Report here
Previous Post Next Post