Dam refugee te tlawh a ni

Zo Indigenous Forum chuan November ni 3, 2013 khan Mizoram sorkarin Serlui B Hydel Project (21 Mw), kum 2004 atang a tuikhuah avanga insawn chhuak New Builum khua, Kolasib District a mi chu a tlawh a.

Pu Lalengmawia, New Builum khua Village Council President chuan Serlui B tuikhuah a nih dawn avangin Power & Electricity Department, Government of Mizoram leh Builum khaw mipui te chuan April 4, 2002 khan inremna siamin Rehabilition and Resettlement Package pawh siam a ni a, nimahsela chung inremna chu tih puitlin ziktluak a tamlo hle a ni tih an sawi bawk.

"He tuikhuah a nih hma chuan pawnlam atangin ei leh intur pawh la lemlo pawhin kan intodelh thin a, mahse tunah chuan eizawnna tur ram pawh kan nei tawhlo a, sorkarin kan inhmun bak ram min pek siloh avangin harsa takin kan awm mek a ni" a ti.

He tuikhuah avang hian kan ram leh huan thlai, leilet tam tak a chimral a, a hu ang tawk zangna dawmna min pek siloh avang leh buaina tam tak a awm tak a vangin Mizoram sorkarin Pu SL Sailova (IAS Retd) kaihhruaina hnuaiah Builum Inquiry Commission a din a, chumi chuan report pawh peih tawhin Mizoram sorkar hnenah report pawh a pe lut tawh a ni. Chu report-ah chuan tuikhuah avanga mizorama refugee hmasaber (first dam refugee in Mizoram) tiin an ziak nghe nghe a ni

"Mizoram sorkar thuneitu te leh Governor of Mizoram hnehah pawh kan harsatna te leh manganna te vawi tam tak kan thlen tawh chung pawhin heng kan harstna te hi min sutkian pui theihlo a, tunah hian kan mangang takzet tawh a ni a ti bawk.
Previous Post Next Post