Governor leh border roads hotulu inkawm

Aizawl, 3rd October: Vawiin tlaiah khan Governor Lt.Gen(Rtd.) Nirbhay Sharma leh India Border Roads hotupa ber Lt Gen RM Mittal, Director General te chu Raj Bhavan ah an inkawm a.

Governor nen an inkawm na ah Border Roads hotupa chuan an hmalak mek leh an thawh theih chin te a sawi a. Governor chuan Mizoram in ramri thui tak a neih thu leh India tan pawh heng ramri hrula kawng tha neih a pawimawh tak meuh thu a sawi a. Hmun hran hran a kawng thui lo te te enkawl nual ai chuan kawng pawimawh thui deuh zawk enkawl tura hma lak tum se a duh thu Lt Gen RM Mittal hi a lo hrilh a ni. Border Roads hotulu hian Delhi ah Central Minister a lo sawipui tur thu sawiin Mizoram a BRTF hotu te hnen atanga Governor duhdan te lo zirchian hmasak a tum tih a sawi a ni.

Director General, BRTF hi Pu K.K.Razdan, Chief Engineer, Project Pushpak Mizoram leh Col.Prasant Tripathy, Staff Officer to DG, BORDER ROADS ten an rawn zui a ni.
Previous
Next Post »