Header Ads

Recent Post
recent

Seminar on India-Myanmar Relations: Looking from the Border

India-Myanmar Relations: Looking from the Border seminar chu Institute of Social Sciences, Delhi, Burma Centre Delhi leh Heinrich Boll Foundation September 28-29, 2015 khan  Institute of Social Sciences, Delhi-ah an buatsaih a, Zo Indigenous Forum Executive Director Pu C. Lalremruata pawh sawm anih angin "India-Myanmar Relations: Looking from Mizoram Border" a present a, bengvar thlak an tiin lawm an hlawh hle.

He Seminar-ah hian India ram chhunga mithiam hrang hrang bakah, Politician, Ambassador hlui te, University leh College zirtirtu bakah research ti lai te, chanchinbu mi leh tlawmngai pawl aiawh hrang hrang te India ram leh North East atangin an tel a ni.

Pu C. Lalremruata chuan Look East Policy a ni emaw Act East Policy pawh nise India hmarchhak mipui te nena thawkho lo chuan a hlawhtling tak tak theilo a ni tih sawiin entirna a pe a. Mizoram chhunga hmasawnna hnathawh hrang hrang Bairabi- Sairang relkawng siam mek te, Kaladan Multi Modal Transit Transport Project, Champhai - Tiddim leh Champhai  - Zokhawthar kawngpui te, Indo-Myanmar Border Trade and investment hrang hrang te, Indo-Myanmar chungchang leh Sipai chetlanka te tarlang a. Heng ho zawng zawng hlawhtlinna atan chuan Zohnahthlak Mizoram chhunga awm te leh Burma Chin state a kan unau chin te ne inpawhna thazawk (peoples to peoples relations) siam tura sorkar hmalak pawimawh zia a tarlang tel bawk.

Heng hmasawnna hnathawh mek te hi fimkhur taka kalpui a ngaih thu leh UN duhdan anga ram leilung fa (indigenous peoples) te rawn chung zela kal a pawimawh thu tarlangin, langtlang (transparent) leh dik/rinawm taka hnathawh (accountable) a pawimawh thu a tarlang bawk. Kaladan Movement Member dang Lian Bawi Thang, Chin Human Rights Organization leh Ting Oo from Arakan Rivers Network te pawhin Kaladan Multi Modal Transit Transport Project chungchanga Myanmar (Burma) ram chhung Chin State leh Arakan State a hmalakna hrang hrang te an tarlang bawk.

Thusawitu dang zingah Rajiv Bhatia, Indian Ambassador to Myanmar hlui te, Tapir Gao, Arunachal Pradesh MP hlui bakah Preet Mohan Singh Malik, ambassador of India to Myanmar hlui, Prof, Sanjoy Hazarika, Nabachandra Singh, president of Indo-Myanmar border traders’ union, Khin Maung Win of Democratic Voice of Burma and Dr Axel Harneit-Sievers, Director, Heinrich Boll Stiftung te an tel a, Pu C. Lalremruata thusawi lai hian Arunachal Pradesh MP hlui Tapir Gao chu chairman a ni.
Powered by Blogger.