Header Ads

Recent Post
recent

Two days Seminar on Indo-Myanmar Relations - A new horizon neih a ni

Aizawl, 22 March: Zo Indigenous Forum buatsaih ni hnih awh tur "Seminar on Indo-Myanmar Relations - A new horizon" chu vawiin khan MZP Conference Hall, Treasury Square-ah neih tan a ni a. He hun hi Pu H. Zothangliana,  Parliametary Secretary chuan khuallin niin a hmanpui.

Hawnna progrma hi Lalmalsawmi Sailo, Coordinator chuan kaihruaiin Pu C. Ramhluna, ZIF Chairman chuan inlawmna thu a sawi a, C. Lalremruata, Director ZIF chuan Seminar sawihawnna hun a hmang a ni.

Khuallian Pu Zothangliana chuan India Sorkar hian a thenawmte - a bik takin khawchhak ramte nen eizawnna kawng (Economic) a ni emaw ram inrelbawlna kawng (Political) a ni emaw inlaichinna tha tak mai nei turin hma a la mek a. Tunlai khawvel – a bik takin Asia khawmualpui Economic thang zelah hian India Sorkar chuan Policy thar “Look East Policy” a duang chhuak a, kum 15 dawn lai kalpui a nih hnuah Narendra Modi kaihhruai sorkar lo dingin ani chuan a taka kan thawh tak tak a ngai ta a ni tiin Act East Policy tiin a rawn thlak ta a ni a ti.

He Look East/Act East Policy hlawhtlinna atan chuan India hmarchhak ram te hi kan pawimawh em em a, chung zingah chuan Mizoram pawhin hmun pawimawh tak a luah ve mek bawk a. He Policy hnuaiah hian Mizoram chhung ngeiah pawh hmasawnna hnathawh (Infrastructure development) hrang hrang kan hmu mek zel a, chung zingah chuan Sairang thleng a Rel kawng sial mek te, Kaladan Multi Modal Transport project – Lawngtlai atanga Burma lam thleng a sial mek te, Border trade abikin Zokhawthar leh Zorinpui te a awm mek bawk a ni a ti.

Chutih laiin Burma sorkar chu khawvel beisei tak leh rin ngam chiah silohin Sipai rorelna atangin Democracy lam a hawi tan mek bawk a, Kum 2015 a Burma inthlanna a awm a Aung San Suu Kyi kaihhrui National League for Democracy (NLD) in hnehna achan atang phei chuan khawvel beisei a sang lehzual a ni a ti.

Burma/Myanmar awmna lai hi ram hrang hrang insumdawn tawnna atana hmun pawimawh tak mai a ni a. Asia chhim lam te, Asia khawchhak lam te leh Asia chhim chhak lam te insuihfinna lai taka awm a ni a, he khawmualpuia economy lian pahnih, mihring tamna ram ve ve China leh India a ri ve ve bawk a, heng ram pahnihte tan hi chuan Burma hi politics leh economic thilah tihchhiat phal chi a ni lo hrim hrim a ti a.

Hetiang a nih mek lai hian Burma chhunga hel pawl hrang hrang te pawhin inremna kawng zawmin remna leh muanna tluantling a awm theih nan hma an la a, democracy tungding leh turin nasa takin an bei mek bawk a. Hnam khat thlah khat kan nih avangin kan hnam nunzia leh tihphung (culuture and custom) te an inang tlang em em a, inpawhna tha kan neih loh chuan thlah khat unau te inkarah pawh he policy hian harsatna nasa zawk a siam thei a ni a ti.

Mi hrang hrang ten heng paper te hi an present a ni.

Dr. LH Chhuanawma, Pachhunga University College chuan From Look East Policy to Act East Policy – A critical analysis with special reference to Mizoram

Pu Lallianchhunga, Mizoram University- Democracy & Human Rights in India - Challenges and lessons for the transitional government in Myanmar

Dr. Jangkhongam Doungel, Mizoram University - Indo-Myanmar Border Trade looking from the border  - its impact on the Zo ethnic group.

Pu B. Lalthangliana- Indo-Myanmar Cultural Relations – with special reference to Zofate 

Salai H. Biakliankim, Global Chin Relief  Organisation  The current peace process and democracy in Burma.

C. Lalremruata, Zo Indignous Forum/Kaladan Movement - Kaladan Multi Modal Transit Transport Project the critical analysis

Powered by Blogger.