National Highway 54, Aizawl - Tuipang kawng siam ṭhat leh zauh tumnaah chhungkaw 3,534-te chu an awmna hmun aṭanga sawn a ngai dawn a, hemi atana thil ṭulte chu buaipui mek a ni.
Japanese International Cooperation Agency (JICA) sum hmanga National Highways and Infrastructure Corporation Development-te'n Aizawl - Tuipang kawng siam turah hian district hrang hrang panga - Aizawl, Lunglei, Lawngtlai, Siaha leh Serchhip district-a chhungkaw 3,534-te chu tuna an awmna hmun aṭanga sawn chhuah a ngai dawn a ni.
Chhungkaw sawn chhuah tamna ber tur Lunglei district-ah chuan chhungkaw 1357 sawn a ngai dawn a; Aizawl district-ah chhungkaw 929, Serchhip district-ah chhungkaw 726, Siaha district-ah chhungkaw 307 leh Lawngtlai district-ah chhungkaw 215 sawn chhuah a ngai dawn a ni.
Chhungkaw sawn chhuah turte inbenbelna leh awm zel dan tur buaipui turin district pangaa Additional DC-te ruat an ni a, anni hian an district ṭheuha chhungkuate an buaipui ang. Ram lak tura ruahmante chu office hun chhungin mahni huam chhung DC office-ah ṭheuh en theih a ni.
Ram lak tura sawisel duh nei tan notification chhuah a nih aṭanga ni 60 chhungin Mizoram (Land Acquisition, Rehabilitation and Resettlement) Acts, 2016 tlawhchhanin mahni district ṭheuha District Collector (Bawrhsap)-te hnenah thehluh theih a ni a; notification hi December 19, 2016-ah chhuah a ni.
Kawng siam ṭhat leh zauhna atan hian ram hectare 399.22-a zau lak a ngai dawn. Ram lak tur ruahman dan chu - Aizawl district-ah hectare 34.04, Lunglei district-ah hectare 208.22, Siaha district-ah hectare 87.77, Lawngtlai district-ah hectare 37.99 leh Serchhip district-ah hectares 31.20 a ni.
Kawng zauhin khawtlang a ngawng dan tur chu State Institute of Rural Development & Panchayati Raj-in an zir chiang a, an thil hmuh chhuah hrang hrangte chu Mizoram sorkar hnenah an thehlut tawh.
Aizawl - Tuipang kawng hi km. 380-a thui a ni a, ruahman dan chuan kawng hi metre 12-a zau a siam tur niin, alkatra luan chin chu metre 8-a zau tur a ni. Ram lak tihfel a nih chuan company-te chu hna thawk turin an inpeih tawh a, kum li ral hmaa thawh zawh tum a ni.
Source: Vanglaini
Japanese International Cooperation Agency (JICA) sum hmanga National Highways and Infrastructure Corporation Development-te'n Aizawl - Tuipang kawng siam turah hian district hrang hrang panga - Aizawl, Lunglei, Lawngtlai, Siaha leh Serchhip district-a chhungkaw 3,534-te chu tuna an awmna hmun aṭanga sawn chhuah a ngai dawn a ni.
Chhungkaw sawn chhuah tamna ber tur Lunglei district-ah chuan chhungkaw 1357 sawn a ngai dawn a; Aizawl district-ah chhungkaw 929, Serchhip district-ah chhungkaw 726, Siaha district-ah chhungkaw 307 leh Lawngtlai district-ah chhungkaw 215 sawn chhuah a ngai dawn a ni.
Chhungkaw sawn chhuah turte inbenbelna leh awm zel dan tur buaipui turin district pangaa Additional DC-te ruat an ni a, anni hian an district ṭheuha chhungkuate an buaipui ang. Ram lak tura ruahmante chu office hun chhungin mahni huam chhung DC office-ah ṭheuh en theih a ni.
Ram lak tura sawisel duh nei tan notification chhuah a nih aṭanga ni 60 chhungin Mizoram (Land Acquisition, Rehabilitation and Resettlement) Acts, 2016 tlawhchhanin mahni district ṭheuha District Collector (Bawrhsap)-te hnenah thehluh theih a ni a; notification hi December 19, 2016-ah chhuah a ni.
Kawng siam ṭhat leh zauhna atan hian ram hectare 399.22-a zau lak a ngai dawn. Ram lak tur ruahman dan chu - Aizawl district-ah hectare 34.04, Lunglei district-ah hectare 208.22, Siaha district-ah hectare 87.77, Lawngtlai district-ah hectare 37.99 leh Serchhip district-ah hectares 31.20 a ni.
Kawng zauhin khawtlang a ngawng dan tur chu State Institute of Rural Development & Panchayati Raj-in an zir chiang a, an thil hmuh chhuah hrang hrangte chu Mizoram sorkar hnenah an thehlut tawh.
Aizawl - Tuipang kawng hi km. 380-a thui a ni a, ruahman dan chuan kawng hi metre 12-a zau a siam tur niin, alkatra luan chin chu metre 8-a zau tur a ni. Ram lak tihfel a nih chuan company-te chu hna thawk turin an inpeih tawh a, kum li ral hmaa thawh zawh tum a ni.
Source: Vanglaini