Header Ads

Recent Post
recent

India chungchang Universal Periodic Review 2017 nei

Geneva 9 May, 2017: May ni 4, 2017 hian United Nations Human Rights Council hnuaiah Universal Periodic Review (UPR) neih a ni a, India team hi Mukul Rohatgi, Attorney General of India in a ho a, ani bakah hian Smt. Ruchi Ghanashyam, Secretary (West), Shri P.S. Patwalia, Additional Solicitor General of India bakah Ministry of External Affairs, Ministry of Home Affairs, Ministry of Women & Child Development, Ministry of Social Justice and Empowerment, Ministry of Minority Affairs, Ministry of Rural Development leh NITI Aayog atangin an tel a ni.

Universal Periodic Review hi kum 5 danah neih thin a ni a, India ram pawh kum 2012 leh 2008 khan review alo ni tawh a, UN member ram zawng zawng te hi hunbi neiin kum 5 danah zel hian neih thin a ni. He review-ah hian ram 103 in India ram chhunga human rights chungchang hmalakna an duhkhawp loh te leh tha an tih te an sawi chhuak a, ram 11 ten zawhna an pe lawk bawk a, hnam hnuaihnung zawng (minotities) te chunga bakah sakhua avanga harsatna harsatna thleng thin bakah India hmarchhak leh Jammu & Kashmir-a Armed Forces (Special Powers) Act 1958 bakah Germany engtiangin nge UN Special Rapporteurs on the rights of Indigenous Peoples thawhpui an tum tih zawhna chu India hian a chhanglo a, heibakah hian human rights defenders te tawrhna hrang hrang chungchang te tarlan a ni.

May ni 9, 2017 tlai-a UNO Office Geneva a hemi pual thutkhawmnaah India hian recomendation 250 zet a dawng thu tarlan a ni a, chung te chu an ministry hrang hrangte leh NGO te nen inbe rawna an tihfel hunah kumin september thlaa Human Rights Council Session vawin 36 na neih hunah an thutlukna an hrilh hriat tur tur an tarlang a. He hunah hian Pu C. Lalremruata Director, Zo Indigenous Forum pawh tel ve in khawvel ram hrang hrang hruaitu te bakah khawvel tlawmngai pawl hrang hrang te nen hmalak chhunzawm dan tur an sawi ho a ni.


Powered by Blogger.