Recent Post
recent

Inception Meeting for Revision of State Action Plan on Climate Change Mizoram nei

Aizawl, 21 August 2018: Vawiin khan Principal Secretary, EF & CC Department Pu Lalram Thanga, IFS hovin Secretariat Conference Hall, New Secretariat Complex, Khatla–ah Inception Meeting for Revision of State Action Plan on Climate Change, Mizoram neih a ni. Chief Secretary, Pu Arvind Ray pawhin he hun hi a hmanpui a ni.

Pu Lalram Thanga chuan sik leh sa inthlak danglam (Climate Change) zelah hian mihringte pawh kan in thlak ve (adapt) a ngai a ni, a ti a. Kan lo neih dante, ramngaw kan enkawl dante, tuihna kan humhalh dante pawh fimkhur lehzuala kan kalpui a ngai a ni, a ti a. Paris Agreement-in a lo duan chhuah chu Mizoram pawh hian a ngaihven zel a tul a ni, tiin a sawi a. UN Sustainable Development Goals te pawh ngaih pawimawh a ni zel chu lawmawm a ti bawk a ni. Meeting-ah hian duhthusam mai nilo, a taka Mizoram-in a hman tangkai theih tur duang chhuak turin duhsakna a hlan bawk a ni.

He meeting-ah hian sik leh sa inthlak danglam venna Mizoram-in a mamawh bik policy duanchhuah chungchangte, documentation chungchanga hmasawn zel danturte, Scientific Approach hmanga invenna leh indanna chungchangte, tha zawka research neih dante, agriculture leh horticulture crops a ngawng dante leh tha zawka lo neih dante leh adangte ennawn a ni.

State Action Plan on Climate Change (SAPCC) hi National Action Plan on Climate Change (NAPCC) in thu a chhuah angin, kum 2009, August thla-ah bul tan a ni a. NAPCC hian Mission 8 leh 24 Initiatives a neih laiin, SAPCC hian Mission 9 a nei a, chungte chu- Water Mission, Sustainable Agriculture Mission, Sustaining Himalayan Ecosystems, Mizoram Green Mission, Sustainable Habitat Mission, Climate Resilient Health Mission, Solar & Renewable Energy Mission, Enhanced Energy Efficiency leh Strategic Knowledge Mission an ni. Short term plan atan 2018-2023 niin, long term plan atan 2018-2030 a ni ang. Nodal Department hi CTRAN, GiZ Shillong te chuan technical assistance an pe ang.

Meeting-ah hian Sorkar Department hrang hrang aiawh leh, MZU Professor te, leh midang te an tel a ni.


~ DIPR
Powered by Blogger.