17th July 2019: Zo Indigenous Forum (ZIF), ZORO leh PRISM Society te chuan Indian Forest Act 2019 chungchangah Ni 17 July 2019 khan Aizawl Press Club-ah Press Conference kan nei a, a hnuai mi hi kan Press Note a ni e.
Press Note : Indian Forest Act, 2019
Dated Aizawl,
the 17th July 2019
1. India ramah hian
British hunlaia Forest Dan an siam tawh, ‘The Indian Forest Act, 1927’ chu kan la hmang char char a. Kum 90 hnuah
chuan siamthat ngai tam tak a awm tih hriain India sorkar chuan India Forest (Amendment)
Bill 2019 a buatsaih a.
2. Chu draft Bill
chu Ministry of Environment, Forest & Climate Change-in he dan en tura Core
Committee-in rawtna a siam te chu March Ni 7, 2019 khan State leh UT zawng
zawngah thawn darhin, a zau thei ang bera NGOs/Civil Society Organisation te
nen inrawnkhawmna (consultation) nei a, chumia an comments/rawtna zawng zawngte
chu notification an chhuah atanga Ni 90 chhunga thawnlet leh turin hriattirna a
chhuah bawk a. He stakeholders Consultation hi a kokim taka rang thei ang ber a
buatsaih turin Mizoram sorkar kan ngen takmeuh a ni.
3. He dan duan tharah
hian India Constitution hnuaia inhungbikna kan neih Article 371 (G) (a – ii,
iii leh iv) phei chu nasa takin a palzut dawn a, Mizote tan dan hlauhawm leh
thalo tak a ni dawn a, he dan (draft) do tur hian Mizoram-a Political Party leh
tlawmngai pawl zawng zawng leh Mizoram sorkar kan ngen tak meuh a ni.
4. Tin,
he dan duan thar hian Constitution hnuaia Sixth Schedule Autonomous
District Councils (ADC) kan neihte thuneihna hrang hrang heng:-
o administration of justice
o land and limited legislative powers
o enjoy the power to make laws on such
subjects as allocation of lands (other than reserved forests)
o management of forests (other than
reserved forests)
o the regulation of ‘jhum’ (swidden)
cultivation, among others te hi
a rawn bawh chhe vek dawn a
ni.
5. He
dan duan thar Section
66 (2)-ah chuan Forest Officer te’n forest encroachment chungchangah an duh duh
kah theihna a pe a, Section 66- ah chuan Arrest warrant tel lova mi inchhung
luh theihna leh dap theihna an nei bawk. Rambuai laia vai sipaiin an duh duha
mi man leh kah theihna Armed Forces Special Power Act, 1958 ang maiin Forest
Officer-te hian an duh duh an kapin mi in an dap thei dawn tihna a ni a, a
rapthlak hle a ni.
6. Section 16-ah
chuan forest dwellers te dikna leh chanvo pawh forest conservation thil nen a
inkalh a nih chuan laksak theih a ni ang tih a chuang bawk a (the state
governments could take away the rights of the forest dwellers if
the government feels it is not in line with “conservation of the proposed
reserved forest”
7. He dan thar
ruahman hian Indigenous Peoples Rights leh UNDRIP bung hrang hrang
te a bawhchhe nasa hle a ni. (Article 8, 25, 26, 32.)
8. Section 3.2.2 ah
chuan, ‘Central sorkarin forest-te hman an duhdan anga state sorkarin hma a la
lo a nih chuan over-rule theih an ni ang’ tih a awm a. Hei hi India constitution-a
federal structure spirit nen pawh a inkalh tlat a ni.
9. India State of
Forest Report 2017-a a lan danin Mizoram-ah forest cover 18,186 Sq Kms (86.27%
of states geographical areas) a awm a, Reserve forest- 79.47% (4,482.9027 Sq
Kms, Unclassed forest- 20.53 % (1,158.0973 Sq Kms) a awm mek a ni.
10. Mizoramah Carbon
Stock 95.041 Million tonnes (India rampum carbon stock 1.34%) awmin Mizorama
forest area hi India State of Forest Report 2015 aia a tlemna chu 531 Sq Kms a
ni a, hei hi a chhan chu tlangram loneih leh hmasawnna hnathawh (developmental
activities) vang niin tarlan a ni.
He forest dan
thar ruahmanna Section 2.1 (10) ah chuan “production forests” rawn dah tharin forest
product tharchhuah nan Section 34.C (1) na angin thing leh non timber forest
produce, medicinal plant tihna atan hman theih a ni tih a chuang bawk a. He
bung leh chang hian North East India-a forest te chu nasa taka ti chereu a, sum
siam nana hman leh kan ram leilunga thing leh thlai awmlo hrang hrang te chinna
atan hman an tum tih a chiang hle a ni.
11. Section 2.9 ah
chuan Unclassed forest forest chungchang sawiin State sorkarin Reserve forest
emaw protected forest-a a puan loh zawng chu unclass forest tih ani dawn a, hei
hian vangtlang ram leh hmun kan humhalh thin zawng zawng dan anga Reserve
Forest emaw Protected Forest emaw a ziahliuh loh zawng zawng te chu a huam vek
dawn a. Hei hian kan forest humhalh leh hmun that neih te chu ‘production
forest’ atan awlsam takin a siam dawn a ni.
12. Section 3.10 naah
chuan Kum 5 aia reilo chhungin tlangram loneih (shifting cultivation) chu
tihtawp ngei ngei tur a ni tih tarlan a ni a, keini Mizo mipui tam zawk
tlangram loneih eizawng te tan chuan chem lova lu lakna a ni.
Jointly Issued by: Zo
Indigenous Forum (ZIF), ZoRO, PRISM - 2019
News Report thenkhat
NENow
ExploreMizoram