Mizoram University Department of History & Ethnography leh The Euro Burma Office, Brussels tangkawp ina buatsaih, Book Release Function, vawiina Tourist Lodge, Chaltlanga neihah Chief Minister Pu Lal Thanhawla chuan lehkhabu, ‘Chin : History, Culture & Identity’ tih chu a tlangzarh.
Chief Minister chuan kan chanchin hi kan tobul atanga sawi hian ngaihnawm ka ti thin hle a ni tih thu sawiin, min awp thintu British ho khan ram pathum India, Burma leh Bangladesh ah te min thendarh a, chutah India a awmte hi state pali ah thendarhin kan awm leh a, hnam sawisak nasat kan ni hi kan vanduai hle a ni a ti a. Chhinlung chhuak hnam Zofate hian tunah hian insuihkhawm leh hi kan nghakhlel hle a ni tiin, a hnam anga Chin tihte, Kuki, Lusei, Hmar, Paihte, Mara leh a dang dangte te hi hnam thuhmun vek, kan tawng rik leh lam dan (dialect) dang mai chauh a ni a ti a. Mi thenkhatin hnam naupang tak anga min sawi thin hi a pawmloh thu sawiin, Israel hnam te anga upa kan nih a rin thu a sawi a. Israel hnamte hi a zawngchhuaktu dodal reng renga awm an nih avavngin hnam sual tak an ni a, Israel hnambo kan ni an tihte hi kan sual em avangin ka awih phah hial thin a ni a ti.
Pu Lal Thanhawla chuan kum 1959 mautam ina a nghawng chhuah, chhan tam tak avanga Mizoram chu India ram atanga inlak hran duhna avanga MNF in rambuaia min hnuh luh chhoh dante sawiin, kan ram buaina chu politics buaina anih thu leh sipai chakna hmanga chinfel chi anih loh thu a sawi a. Chuvangin hun lokal zelah khan MNF chuan independent (sovereignty) sual chhuah tum tak takna (determination) leh duh tak takna (conviction) an neilo a ni tih a hmuhin leh mahni hmasialna a lal zawk nia a hriat avangin reilote chhung secretary hna chelha a awm pawh a bansan a ni a ti a. Mizo Union laka phuba lak duhna an neih te chu tha a tihloh avang bawka bansan anih thu a sawi bawk a. Rambuai a tawp theih nan leh remna leh muanna Mizoramah a awm theihna anih phawt chuan eng pawh tih kha a inhuam reng thin a ni a ti a. Remna leh Muanna tluantling a awm theih nana a lal thutthleng a ken chungchangah khan tumahin kian tura an tih loh thu Pu Lal Thanhawla chuan a sawi bawk a ni.
Lehkhabu tlangzarh inkhawmah hian ram hrang hrang Japan, Thailand, Burma,Sweden, Canada leh Brussels atangte in scholars an lokal a. Burma atanga Shan mi, Pu Han Yeng Way in thutawi a sawiah, Chin tihah hian hnam peng tam tak an awm thu sawifiahin Paihte, Lushai, Ral etc. te an tel vek a ni a ti a. Inrelbawlna a awlsam zawk nan sorkarin Chin State tiin an phuah mai a ni a ti.
Lehkhabu tlangzarh tak hi scholars hrang hrang te ziah lakkhawm a ni a. A buaipuitu, a editor hi Dr.K.Robin a ni.
Chief Minister chuan kan chanchin hi kan tobul atanga sawi hian ngaihnawm ka ti thin hle a ni tih thu sawiin, min awp thintu British ho khan ram pathum India, Burma leh Bangladesh ah te min thendarh a, chutah India a awmte hi state pali ah thendarhin kan awm leh a, hnam sawisak nasat kan ni hi kan vanduai hle a ni a ti a. Chhinlung chhuak hnam Zofate hian tunah hian insuihkhawm leh hi kan nghakhlel hle a ni tiin, a hnam anga Chin tihte, Kuki, Lusei, Hmar, Paihte, Mara leh a dang dangte te hi hnam thuhmun vek, kan tawng rik leh lam dan (dialect) dang mai chauh a ni a ti a. Mi thenkhatin hnam naupang tak anga min sawi thin hi a pawmloh thu sawiin, Israel hnam te anga upa kan nih a rin thu a sawi a. Israel hnamte hi a zawngchhuaktu dodal reng renga awm an nih avavngin hnam sual tak an ni a, Israel hnambo kan ni an tihte hi kan sual em avangin ka awih phah hial thin a ni a ti.
Pu Lal Thanhawla chuan kum 1959 mautam ina a nghawng chhuah, chhan tam tak avanga Mizoram chu India ram atanga inlak hran duhna avanga MNF in rambuaia min hnuh luh chhoh dante sawiin, kan ram buaina chu politics buaina anih thu leh sipai chakna hmanga chinfel chi anih loh thu a sawi a. Chuvangin hun lokal zelah khan MNF chuan independent (sovereignty) sual chhuah tum tak takna (determination) leh duh tak takna (conviction) an neilo a ni tih a hmuhin leh mahni hmasialna a lal zawk nia a hriat avangin reilote chhung secretary hna chelha a awm pawh a bansan a ni a ti a. Mizo Union laka phuba lak duhna an neih te chu tha a tihloh avang bawka bansan anih thu a sawi bawk a. Rambuai a tawp theih nan leh remna leh muanna Mizoramah a awm theihna anih phawt chuan eng pawh tih kha a inhuam reng thin a ni a ti a. Remna leh Muanna tluantling a awm theih nana a lal thutthleng a ken chungchangah khan tumahin kian tura an tih loh thu Pu Lal Thanhawla chuan a sawi bawk a ni.
Lehkhabu tlangzarh inkhawmah hian ram hrang hrang Japan, Thailand, Burma,Sweden, Canada leh Brussels atangte in scholars an lokal a. Burma atanga Shan mi, Pu Han Yeng Way in thutawi a sawiah, Chin tihah hian hnam peng tam tak an awm thu sawifiahin Paihte, Lushai, Ral etc. te an tel vek a ni a ti a. Inrelbawlna a awlsam zawk nan sorkarin Chin State tiin an phuah mai a ni a ti.
Lehkhabu tlangzarh tak hi scholars hrang hrang te ziah lakkhawm a ni a. A buaipuitu, a editor hi Dr.K.Robin a ni.