Aizawl,
8th August 2015: Zo Indigenous Forum chuan vawiin Dt 8th August
2015 hian International Day of the World’s Indigenous Peoples lawmna hun kan
hmang a, International Day of the
World’s Indigenous People (9 August) hi UN General Assembly chuan December 1994
khan a vawikhatna atan hman tan turin a puang a, chuta tang chuan kumtin hman
alo nita a ni.
Kumin Indigenous Day hi Pathianni a nih
avangin Zo Indigenous Forum chuan Inrinni (8th August) hian kan
hmang ta zawk a, kumin thupui chu “Post
2015 Agenda: Ensuring indigenous peoples' health and well-being” tih a ni
a, kumin thupui hi ram leilung faten hriselna kawnga kan la hnufual zia leh
ngaihsak kan ngaih bik zia leh UN leh Sorkar pawhin hmalak a tul zia inzirtir
tharna atan buatsaih a ni. Millennium Development Goal chu kum 2015 hian alo
tawp dawn tak avangin UN chuan 2030 Agenda for Sustainable Development aduang
chhuak a, September thla a UN General Assembly-ah pawm pass tura ruahman a ni.
He ni lo thlen hian Zofate inpumkhatna
atana thawktu zawng zawngte kan rilru in kan hre reng a, chawimawina kan hlan
bawk a ni. Chutih laiin Myanmar ramchhunga kan unau te tuilian tuar mekte kan
hre reng a, tanpuina awm thei apiang ngaihtuah turin Mizoram sorkar leh India
sorkar kan ngen bawk a ni.
Mizoram chhunga hmasawnna hnathawh reng
rengah ram leilung fate ngaihpawimawh a, an ngaihdan leh duhdan ngaipawimawh
turin sorkar hi kan ngen nawn leh a, ram leilung fate nunkhua nghawngtur thil
reng rengah chuan UN Declaration on the Rights of the Indigenous Peoples
(UNDRIP) in a sawi anga Free, Prior and Informed Consent (FPIC) ngaipawimawh
thin turin kan ngen nawn leh a. India-in UN-a intiamna (commitment) a neih hrang hrangte ngaipawimawh a, ti hlawhtlin turin
kan ngen bawk a ni. International
Labour Organisation Convention (No. 169) concerning Indigenous and Tribal
Peoples in Independent Countries pawm (ratify)
ngei turin India sorkar hi nawn leh bawk a ni.
Indigenous
Day lawmna rual hian “Seminar on Reintroduction of Tribal Areas in Mizoram”
neih a ni bawk a, Dr. J. Doungel, Associate Professor leh Pu Lallianchhunga,
Asst Professor, Department of Political Science, Mizoram University ten paper an buatsaih chu
zirho a ni bawk.
Zo Indigenous
Forum chuan NSCN (IM) leh India sorkar inremna ziak chu lawmawm a ti a, inbiakna
neih chhunzawm torah pawh ram leilung fate dikna leh chanvo he inremna
thuthlungah hian tel ngei se tih hi kan duhdan leh ngenna a ni bawk.
Zo Indigenous Forum