Mizoram Legislative Assembly chungah lawmthu sawi

Press Release

Aizawl, 8th October 2015: Zo Indigenous Forum chuan vawiin October Ni8, 2015 a Mizoram Legisltive Assembly thukhawmin ram leilung fate channvo thupuanchhuah thlawp zawnga “ India sorkar ropui takin UNO in tualto hnamte chanvo a puanchhuah “UN Declaration on the Rights of the Indigenous Peoples” tihlawhtling zawnga hma a lo lak thin tawhna hi lawmawm kan ti a, hmalak chhunzawm zel ni rawhse” tih a passed chu thinlung takin lawmthu kan sawi a ni.

UN Declaration nei tur hian ram leilung fa (Indigenous peoples) te chuan kum 25 zet an lo bei tawh a, UN General Assembly Vawi 61 na, September Ni 13, 2007-a UNO Headquarters, New York-a neih chuan he resolution hi alo pawm ta a ni. He UNDRIP hian ram leilugn fate tan zalenna dar a vua a, India sorkar ngei pawhin he declaration hi pawmin chakzawka hma la tura Mizoram Assembly in a passed avang hian Mizo fate mai nilo India ram chhunga ram leilung fate zawng zawngah nghawng tha tak a nei ngei dawn a ni.

He resolution a puitlin theihna atana resolution pu luttu leh Mizoram Legislative Assembly member zawng zawngte ram leilung fate dikna leh chanvo humhim tura an inpekna leh thlawpna hi lawmawm kan ti in, Mizoram leh India ram mai nilo Khawvel politics-ah bungthar pawimawh tak kan keu ta a ni. 

Zo Indigenous Forum
Previous Post Next Post