Zo Indigenous Forum chuan vawiin Dt 9th August 2016 11:00 am hian MZP Conference Hall, Aizawl-ah “International Day of the World Indigenous Peoples 2016” a hmang a, Most Reverend Bishop Stephen Rotluanga, Aizawl Diocese chu khuallian a ni.Indigenous Day lawmna hi Pu K. Laldinthara'n a kaihruai a, Inlawmna thu sawiin Pu C. Ramhluna IFS(Rtd.), Ex-MLA, Zo Indigenous Forum Chairman chuan thusawiin, "Kan land use system siamthat a ngai a ni a ti a, hmasawnna tluantling nei tur chuan kan rilru leh sukthelk pawh kan thlak ve a ngai a ni" a ti.
Khuallian Bishop Stephen Rotluanga chuan Zo Indigenous Forum hma lakna chu rawm leh hnam tan a pawimawh hle a ni tih sawiin, zirna hi ram leh hnam hmasawnna atan a pawimawh em em a ni, UNDRIP kan nei hi Pathian malsawmna ropui tak a ni a ni, hnam leh culture humhim leh tihpuitlin zel hi Pathian thiltum ropui tak niin ka hria a ti a. Tribal tih hi hnamdang chuan min hmuhsitna tawngkam a ni lek lek zawk a, keini chuan First Nation tia inkoh hi kan inhmeh zawk mah a ni" a ti.
Kan hnam hi kan tanho a kan in thurual chuan UNDRIP pawh kan hmang tangkai hle in ka ring a ni tiin, hnamzia leh tihphunga sakhaw biak pawh hi kan kohhran chuan kan ti chho zel a, kan ngaihdan-ah pawh ''Think Globally, feel nationaly, act locally'' a ngai a ni a ti.
Chawhnu lamah Seminar program hmangin ''Seminar on Sustainable Development Goal 2030 (SDG)'' chungchang Pu Rinzuala Ralte, UN Program Coordinator, UN Joint Initiative, Mizoram in a present a, Dr Lalrinchhana, Economist', Planning Department Govt of Mizoram & New Economic Development Policy (NEDP) chungchanga ruahmanna siam tawhte tarlangin, rawtna nei duhte tanah pawh hun a la awm thu a tarlang a ni.