Recent Post
recent

Mizoram Consultation on Human Rights, Social Movement and Law-ah paper present

Aizawl, 30 Sept 2019: Human Rights Law Network,  New Delhi leh Mizoram Law College, Aizawl tangkawpin an buatsaih Mizoram Consultation on Human Rights, Social Movement and Law chu Ni 28 September 2019 khan Mizoram Law College-ah neih a ni.

He Consultation ah hian mithiam hrang hrang Delhi atanga lokal te leh Mizoram chhunga Ukil te leh activist hrang hrang ten paper an present a,  Law College zirlai te leh pawl hrang hrang aiawh ten an chhim a ni.

He huanah hian Ms Malsawmi Sailo,  Coordinator, Zo Indigenous Forum  chuan Draft Indian Forest Amendment Act 1927 chungchang sawiin Mizo tlangram loneih a eizawng te tan he dan a hlauhawm dan leh India Constitution hnuaia inhungbikna kan neih Article 371(G) a kalh dan a tarlang a.

Sawmtei hian he dan hi Sap ho hunlaia siam a nih avangin siamthat a ngai tawh hle tih sawiin tuna an siamthat tum dan erawh chu a himlo in a hlauhawm hle a ni a ti a.  He dan hi ZIF chuan an do tlat thu sawiin Forest Department changtu Minister pawh an saiwpui tawh thu leh NGO dang te nen pawh hmalakna tura joint meeting leh presa conference an neih tawh thu sawiin hemi chungchangah hian UN Special Rapporteur on the Rights of Indigenous Peoples hnenah pawh an thlen tawh thu a sawi a.  India hmarchhak Indigenous pawl hrang hrang te pawhin hemi duhlohna joint press release an siam siam tawh thu a tarlang bawk.

Pu C.  Lalremruata,  Zo Indigenous Forum  dintu leh Asia Indigenous Peoples Pact (AIPP)  Executive Council Member chuan Look East/Act East Policy - Mizoram perspective tih a sawi bawk a,  Look East/Act East Policy sawifiahin kan in buatsaih a tulna leh kan hman tangkai theihdan tur (opportunity) te a tarlang bawk.

Kaladan Multi Modal Transit Transport Project (KMMTP)  chungchang tarlangin ram neitu te tun thlenga an ram laksakna man (compensation) pek kim an la nilo chu in ngaih pawimawh lohna lian tak a ni a ti a,  Ngengpui Wildlife Sanctuary hnai taka kawng kal chu Forest dan bawhchhiatna nimahse an tihlui zel thu a sawilang bawk.

No comments:

Powered by Blogger.