Geneva, 11 November 2022: UN Human Rights Council (UNHRC) hnuaia Working Group on Universal Periodic Review (UPR) Session vawi 41 na Tahrik Ni 7-18 November 2022 chhung hian India ram human rights chungchang ennawn (review) a ni a, Zo Indigenous Forum (ZIF) pawh meeting-ah hian an tel ve a ni.
India team hi an rawn thawkrip hle a, Tushar Mehta, Solicitor General of India team leader niin Sanjay Verma, Secretary (West) MEA, Indra Mani Pandey , Permanent Representative of India to UN, Mr. K.M. Nataraj, Additional Solicitor General of India bakah department hrang hrang heng Ministry of External Affairs, Ministry of Home Affairs, Ministry of Women & Child Development, Ministry of Social Justice and Empowerment, Ministry of Minority Affairs, Ministry of Rural Development, NITI Aayog, leh Vice Chancellor of the National Law University, Delhi te an rawn tel a.
Issues hrang hrang tam tak zingah freedom of Speech, CAA, FCRA, hate speech, privacy, surveillance and data protection, human rights defenders, human rights of minorities including women, children, LGBTQ and diasabled bakah Raltlan (Refugee and stateless), human traficking, death penalty, corporal punishment te sawi lan uar zual a ni.
Zo Indigenous Forum (ZIF) aiawhin Pu C. Lalremruata founder chu he session-ah hian a tel ve a, ram hrang hrang ten ral leilungfa (Indigenous Peoples) chungchang an sawi chhuak tam tawklo chu pawi a tih thu leh tan lak a ngaih zia thu a sawi a, duhthusam nilo mahse Paraguay in ILO Convention 169 (Indigenous and Tribal Peoples Convention, 1989) leh Vanuatu sorkarin draft notification for Environment Impact Assessment 2020 hnawl nghal tura a ngenna, Luxembourg-in project liantham hna thawh dawn reng rengin Human Rights and Enviromental Impact Studies neih ngei ngei ni rawhse tia rawtna te chu India sorkarin pawm ngei se a duh thu a sawi a, hei bakah hian Raltlan te chungchang-ah 1951 Refugee Convention (Convention Relating to the Status of Refugees) pawm rawtna hrang hrang awm te chu India sorkarin pawm ngei se a duh thu a sawi bawk.