Bru chungchang a diklo taka mizote hekna hi CBI hian chhui ngei se

C. Lalremruata

Convention on the Rights of the Child 1989 The Juvenile Justice (Care& Protection of Children) Act, 2000 in naupang a la tih Bungthuam tlangval pawisawilo Zarzokima (kum 17) chu Bru Revolutionary Army (Tuikuk) nia inchhal ten Dt 13th November 2009 ah khan an kaphlum a, heng mite hian pawisawilo nunna an la ringawt mai a, a pawiin zoram mipui kan tuain kan sum a, kan rilru a na takzet a ni.

Anmahni duhtu ngeia Mizoram chhuahsan an ni: Tuikuk hel Bru National Liberation Front (BNLF) te chuan 19th leh 21st October 1997 -ah Tuirum. Khamrang, Falkawn, Hnahthialzawl leh Damparengpui tlawhin Mizoram chhuahsan turin an ti a, ni 21 October 1997 ah BNLF mi Pathum ten Bawngva leh Darlak khua a Tuikuk awmte Mizoram chhauhsan turin an ti a. Ni 27 October 1997 tho hian Tripura atanga BNLF kal ten Zawlpui khua chu tlawhin a zan la la a an khua chhuahsan turin an ti a, hemi avang hian chhungkaw 30 chu an chhuak nghal a, 31 November 1997 ah BNLF mi pathum ten Khawhnai khua tlawhin Tuikuk chhungkua chu an khua chhuahsan nghal turin an ti a, hemi hlau avang hian a zan la lain chhungkaw paruk (6) chuan an khau an chhuahsan a.

November 1997 kar tawp berah chuan BNLF te chuan Mizoram khawthlanglam a awm Tuikuk te chu 25th December 1997 hma ngia Mizoram chhuahsan turin an thupek an chhuah bawk a, he thupek hi zawmin Tuikuk-ho chuan Mizoram an chhuahsan ta nguah nguah mai a ni. Tin, Tuikuk Students Union meeting Dt 8 March 1998 a Rifle Mara (Cachar) a neih chuan Mizorama Tuikuk awm zawng zawng chu 22 March 1998 hmaa Mizoram chhuahsan ve turin thupek an chhuah a, he thupekah hian an huntiam chhunga chhuaklo chu hnam phatsantu leh Tuikuk hnam atanga ensan an nih tur thu leh Mizo hnam anga chhiara kah leh thihna hial pawjh thleng se an mawhphurhna ani ang tiin Tuikukno Msha, President Tuikuk Students Union chuan an ziak hnan a ni.

Hetiang a nih laia mizo hlauh avanga Mizoram chhuahsan tia an inchhal leh si hi thil mak tak a ni a, chuvangin Tuikuk (Tuikuk) te hian kum 1997 leh 19998 kum khan Mizote kut tur avang leh an hlauh avang niloin anmahni duhthu liau liuai a mizoram chhuasan an ni. Ngatinge anmahni duhtu ngeia Mizoram chhuahsan tute hian nasa taka mizo mipui te min sawisaka dawt leh sual tinreng amin puh mai le?


Enge an tum: Bru National Union (BNU) te'n September ni 23&24, 1997-a Saipuilui khuaa khawmpui an nei kha he buaina lo intanna a ni awm e. He khawmpui-ah hian hmun hrang hrang atangin palai 400 vel an kalkhawm a Mizoram-ah Autonomous District Council neih a nih theih nana hmalak an rel in kawng an hai tan ta a ni.

Tuikuk-ho thu leh hla chuan Mizo mipuite a thawng hle a, a bikin Tuikuk bit deuhna khawthlang lam a thawng lehzual tiin a sawi theih ang. Hetih lai hian Parliamentary Committee on Petitions-in Mizoramah Chakma te puala UT siam a lo rawt ve mek bawk a, chutah Tuikuk-in ram an lo ngiat ve bawk, Mizo mipuite thin a khei hle. Dan lova rawn pemlutte'n Mizoram an sat hek tur a ni lo tih chu mipui ngaihdan a ni.

Tuikuk-ho thil tum, mumal taka dodal hmasatu chu Mizo Zirlai Pawl, Mamit Headquarters te an ni awm e. October ni 14, 1997-ah Rengdil-ah meeting an nei a, chutah chuan Tuikuk-ho thil ngiat an pawm loh thu leh dodal an tum thu an rel a ni. Chutianga thil a kal takah chuan a Tuikuk-ho-a tak pawh an thlamuang lo a, Mizoram an chhuahsan tan ta.

Bru National Union leh Bru Students Association (BSA) te chuan an mi leh sate chu Mizoram chhuahsan turin an ti a, Tuikuk khaw hrang hrangah zinkualin, autonomous district council an ngiat zui zel tur thu leh a tul a nih chuan ralthuam pawh an chelek tur thu te sawiin, an mi leh sate chu Mizoram chhuahsan turin an hrilh kual ta. Hetih laia BSA president, Bruno Mesha leh A Sawibuanga Riang te, R Laldawngliana te chu he thila a meizang hlaptu-ah police te chuan an ngai.

BNU hnuaiah chuan ralthuam lek pawl, Bru National Liberation Front (BNLF) tia vuah a ding ta. He pawlin hriat a hlawh tanna chu October ni 21, 1997-a Lalzawmliana an thah kha a ni awm e. Lalzawmliana hi Damparengpui-a forest game watcher a ni a, October ni 23, 1997-ah BNLF te'n an that tih hi hriatchhuah a ni. Khawtlang mipuiin an zawng a, police te leh BSF te pawh thil tha lo a chhuak ang tih hlauvin ngawrh takin an duty nghal.

Lalzawmliana ruang zawngtute hi police leh BSF te hian thil tha lo a thleng ang tih hlauvin Tuipuibari-ah an dang nghe nghe. Mizo mipuite chu Tuikuk-ho chungah an lawm lo hle a, an rilru a na hle. Hetih lai hian BNLF lam chu an mi leh sate tlawhin an zinkual a, Tuirum, Khamrang, Falkawn, Hnahthialzawl leh Damparengpui-ah te kalin Tuikuk-te chu a rang thei ang bera Mizoram chhuahsan turin an hrilh a ni. An hrilh mai ni lovin thu an pe a, Mizoram Police te'n Tuikuk an bei dawn niin BNLF te hian an sawi hial.

Chutiang chu Tuikuk-hovin Mizoram an chhuahsan dan chu a ni a, Mizoramah autonomous district council an ngiat laia Mizoram chhuahsan tul an ti mauh mai hi thil mak tak chu a ni. Mizoram chhuahsantute hian Tripura an pan tlangpui a, an kal kawngah Tripura-a Mizote, Zampui Hills leh Sakhan Hills-a chengte an tibuai hle bawk. Sakhan Hill-a Mizote phei chu an tlanchhuak hial.

India sorkar chuan Tuikuk-ho hi raltlanah pawmin, Mizoramah an him loh vanga tlanchhiaah a ngai a, Tripura-ah hian relief camp 6 siamin Tuikuk-ho chu an enkawl ta a ni.

Bru National Union (BNU) te chu National Human Rights Commission (NHRC) hnenah an zualko nghal a, Akhil Bharatiya Vanvasi Kalyan Ashram te'n an pui bawk. National Human Rights Commission hnena an lehkha thehluhhi union home minister leh Mizoram sorkar-ah a copy an pe bawk.

Anla duhtawklo, mizo te dawtin min hek: Heng Tuikuk te hian la duhtawk lovin an Pathian Biakna Temple (Bhuddist) mizo ten halsak angah min puh a, Tuikuk hmeichhe tam tak mizo ten an duhlo chung pawngsual luiah min puh in, Kristiana inlehluitirah min puh bawk a, heng thil dawt hmang hian Bible aia chhah dawnmahin India rama rorelna sangber Supreme Court-ah PIL thelutin NHRC ah hekna an thehlut bawk a.

National Human Rights Commission hnena an zualkonaah hian Tuikuk khaw 41-ah in 1,391 zet Mizote'n an hal a, Tuikuk hmeichhia 44 Mizote'n an pawngsual tiin an ziak. Mandir/temple 29 chu Mizote'n an tichhia a, Tuikuk 8 an that a, chin hriat lohvin mi 8 an awm zui tiin an ziak bawk.

Mizoram Police te chuan BNU te thil sawi hi an chhui zui a, hmeichhe 44 te'n pawngsual an tawk tih thu-ah chuan, pawngsual tuartu nia an sawi mi 28 an kawm a, 'min pawngsual e' titu mi 12 an kawm bawk. He'ngah hian finfiahna engmah hmuhchhuah a ni lo a, hmeichhiate hian police te hmaah sawi tur pawh an hre mumal lo. Mizote tihhmingchhiat tumna mai maiah a ngaih theih tih chu a chhuitute ngaihdan a ni.

Tukuk hel ate leh Mizoram sorkar vawi 13 zet an inbiaka 28th April 2006 a Memorandum of Understanding an ziak hnua leh, Dt 29th April 2006 ah chuan heng Tuikuk Helho hruaitu te hian MZP Office ah lengin Tuikuk hel te hian Press Statement an siam a, Solomon Prophul Usoy, General Secretary, Bru National Liberation Form (BNLKF) chuan a sign hnan a, Pess Statement-a an ziah chuan Supreme Court-a PIL an thehluh Withdraw turin theitawp an chhuah tur thu leh Tuikuk kut tuar avanga thi leh inrukbona turtu te chungah ngahidam an dil thu te leh an biakin halsak leh hmeichhe tam tak pawngsuala anga dawt an puhan chungchangah ngaihdam an dilna thu te an ziak hnan a, chanchinbu ah Mizo mipui zawng zawngte ngaihdam an dil a ni.

Laklet tuma hmalak a ni: Tripura-ah Tuikuk engemaw zat chu refugee camp-ah India sorkar ruahmannain enkawl an ni a, he'ng Tuikuk-te hian Mizovin an umchuah avanga Tripura-a tlanchhia niin an insawi. India sorkar pawhin raltlan-ah a ngai. Amaherawhchu, Mizoram an chhuahsan lai thil hretute chuan he'ng Tuikuk-ho hi raltlan-ah an ngai thei lo.

Tuikuk chungchang chuan Mizoram a tibuai reng a, silai leh hriamhrei hmanga an tihbuai chu thuhran, raltlan anga an insawi avang ringawt pawh hian Mizoram chu a buai a ni. Hmingchhiat leh tlangrel a phur nasa a, lalet leh tura tha thawh a ngai bawk. Kum 10 chuang a liam ta; mahse, vawiin thlengin chu buaina chu a la kiang thei lo.

Tuikuk aiaawh neiian Mizoram Bru Displaced People Forum (MBDPF)leh Mizoram Sorkar te chu vawi enamaw zat india nin Mizoram sorkar chuan ruahmanna fel tak siamin Road Map tha tak Home Ministry pawmpui ngei nen laklet han tawh turin fimkhur takin an siam a, Dt 4 November 2009 a meeting chuan 14th November 2009 atangin a hmasa berah Vote ID Card leh Ration card neite laklet turin ruahmanna an siam a, laklet bultan ni a lo thlen hma chiah Dt 13th November 2009 leh a hnua thil thlengte chhuidawnin ruahmanna feltak hnuaiah ralthuam keng pawl lo chhuakin fel tak nen Mizo tlangval pawisawilo an that a, a tuk lawkah an in leh lo te chu a kang ta dur dur mai a ni a, mizote kal theihlohnanah an mahni leh an bungrua leh ran vulh te him pialin an in luahlai leh rawp tawh luah tlakloh te chu a kang ta dur dur mai, khawvela thil mak te zinga chhir tel tlak hial a ni awm e.

Laklet leh an duh tak taklo: Mizote lakah helin hel pawl pahnih an din a, mizo nunna tam tak an la a, hmeithai an siam teuh a, ramtui leilo an siam bawk a, nasa taka an che hnuah Mizoram sorkarah inpein sorkarin duat takin a enkawl a, anmahni duhtu ngia Mizoram chhuahsantu te chu Mizoram an lo let leh theih nan Sorkar nen inbiakna tum engamaw zat an nei a, a tawpah laklet huan ruahman anih fel hnuah laklert leh duh em em nia insawi te chuan an duh leh talo a, a chhan nia lang thenkaht te chu :

  1. Refugee camp-ah hian an hotu te chu nuam takin engmah thawh ngai lovin sorkarin eitur leh silhfen thlengin a pe a, chuvangin chhuahsan an hreh a, mipui lam chuan miuzoram haw leh an chak zawk niin an sawi.
  2. An hruaitu ten raltlan mi 3500 vel niin an insawia, hetiang zat zat hi an awmlo niin a hrechiang te chuan an sawi a, tanpuina lokal an eiru thin a, chu chu la lak chhunzawm zel an duh.
  3. Mizoram leh Central sorkarin an lakletna tur a ruahmanna siam tha tak chu duhloin Mizoram mi nilo tam tak an luh theih nan sorkar ruahmanna an dodal.
  4. Anmanhni puala Autonomous District Council an neih theihloh rau rau chuan MLA an puala neih an tum avangin hmun khata awm a, duh a, a theih dawnloh avangin an duhlo. Henglo pawh hi chhan tam tak a awm a, heng hi a then a zar chauh a ni.

He tualthahna thleng avang hian khaw tam tak a kang a, mahse he in kang avang hian thi leh hliam pakhatmah a awm report dawn a nilo a, an ranvulh a kan thu leh an bungrua a chhiat thu hriat a nilo a, an buh tlem azawng chu a kang ve a ni awm e, heng te pawh hi an raltlanna hmunah an ken theihloh vang mai niin a lang, Mizote hal niin an puh a, mahse an in kan avanga inhumhimna atana an hman chu Mizo in leh Mizo khawtlang tho a ni, an in hi mizo hal niin an sawi a, mahse an hallai hmu pakhatmah hmu an awmlo a, ngtainge mizo halluih nise an kan hlum thluah lohvang, anmahni hal ngei niin a langlo maw.

Tute nge Asian Center for Human Rights (ACHR) ve chhen hi: Human Rights Violation mizoramah hian atam em em a, mipui kan punkhawm hian thuneihna leh dan hi kan ta emaw kan ti thin, chumi avang chuan a tawng ring apiang leh a rum apaing thu a lal a, dan leh thupekin awmzia a neilo fo thin, mahse mipui ten Human Rights nasa takin kan ngiai pawimawh thara chuvangin Huamn Rights violation nasa takin a tlahniam mek niin a lang.

ACHR hi an hotupaber chu Suhash Chakma a ni a, an Coordinator chu Pritosh Chakma a nia, New Delhi-ah hmunpui an nei a, anni hi kum 2006 Huamn Rights Report an tih buatsaih a Mizoram sorka leh mipuite Tuikuk tan avanga dem vak tawhtu kha an ni a, thuziak lamah hian an chak em em a, Human Rights report an siam apiangin Tuikuk leh Chakma chunga Mizo te leh Mizoram Sorkar thil tih dikloh leh tihsual, nia puhin nasa takin an ziak thin a, thildang an ziak lang ngai meuhlo, kuminah pawh Human Rights report 2010 tih siamin kum 2007 lam thilte nen an duh duh phuah khawmin an siam leh a chutah pawh chuan Mizoram mipui leh sorkar masa takin an sawichhe leh a ni.

Suhash-a te hian Tribal/ Indigenous People pawl pakhat dinin Asian Indigenous and Tribal People’s Network (AITPN) tiin an phuah a, ACHR hotu zawng zawng hi he pawl hotu an ni a, office pawh an address a inang chiah a ni. Kumin kumtir February thla khan an pawl pakhat AITPN hming hian National Human Rights Commission (NHRC) ah Indo-Bangladesh border fencing chungchgnah mi 35,000 te chu inlehlo neiloiun an siam tiian Mizoram sorkar lakah leiki takin complaint an lo thehlut tawh a ni. He lo pawh hi Dt 10 March 2008 khan compensation Mizoram sorkarin a pethalo tiin NHRC-ah complaint an lo thehlut tawh bawk.

ACHR an inrawlh leh ta CBI chhuitir an ngiat: Ka hlauhruk ang neiian Mizoram Bru Displaced People Forum (MBDPF) ten nena 2008 kuma survey lo nei duntawh te chuan Dt 20th November 2009 chuan Union Home Minister hnenah Tlangval Zarzokima thihna leh a hnulam thilthlenga inkang te hi CBI chhuitir turin an ngen a, chhuitir ngeise thil ti diklo tu zawk chu zawnchhuak se mizo te kan nilo a nim tih hi han ti ching se ka duh ngawt mai.

He an lehkha thehluh Delhi-a ka thianthe pakhat zarah a copy ka nei hlauh maia, MZP President Pu Zote ka pe a, a office-a ka lenlaiin CYMA Finance Secretary Pu Sailova a lo leng hlauh bawk a, a copy ka pe ve ve nghe nghe a, an lehkha thehluh hi a enclosure te ne chuan phek 13 laia chhah a ni a. Thu muhnu leh anmanhi BNLF ngei pawhin dawt ani tia thupha an chawi tawhna te chu an rawn ziak lang leh nasa hle a, an enclosure-ah hian 18th November Wedneday a chhuak The Sentinel leh Dt 21.11. 2007 a MBDPF leh Mizoram sorkar inbiakan minute, a chunga Confidential tih chuang kalh chu an thiltel bawk a ni.

Mizoram sorkarna chelh mektu Congress leh kan Chief Minister zahawm tak Pu Lal Thanhawla chu nasa taka beiin Tunhnaia Singapore Water Week-a racial discrimination tuartu nia insawi siin a kaihhruai sorkar-ah hian mzioram hnam tenau ten tawrhna an tuar nasa bik thin tih tarlangin 1992 kuma Chakma in kan chiam tum pawh engmah ti duhloah puhin kum 1993 a Chakma tamtak Mizoram mi nilo voter list-a paih anih chhanah a puh a, MZP te chu 15th January 1995 hmaam chakma 1950 hmalam awmlote chhauhtirna order siamah a puh a, hei hi MZP hruaitu te ka zawh pawhin an hrelo reng reng a, chu bakah Supreme Coutr-a PIL an thehluh, anmanhni Tuikuk ngeiin thuchhuah saiam dawt ani tia ann sawilan zinga mi ngei kha a ni.

Mizo te hi hnam hmangaih tak leh inpumkhatna duh em em, remna leh muanna duh tu, kum sawmhnih chuang state ralmuang berah kana wm lain Tuikuk hewl ten kan mi leh sate an that in an rubo a, an sawisa in an suam fova, heti taka min zuam hi a mak ka tiin sorkar pawh hian Tuikuk chungchgnah hian policy tha leh fel, him zawk ngiashtuah se, mipui te pawhin tanpui ila a tha hle ang.

Note : Tuikuk, Tuikuk leh Reang tia swi thin an nia, he article-ah hian Tuikuk ti veka ziak mai a ni.
Previous Post Next Post