Header Ads

Recent Post
recent

ZNP President in UN Declaration on the Rights of the Indigenous People duh

Aizawl, 14 Dec 2009: Zoram Nationalist Party chuan nimin khan Vanapa Hall-ah general Assembly vawi 11-na an hmang. He hunah hian hruaitu thar thlangin, President-ah Lalduhoma, Vice President-ah K Liantlinga leh Treasurer-ah Malsawmthanga te chuhtu awm loin an tling.

ZNP Assembly-ah hian an President Lalduhoma chuan thu sawiin, "Zo hnathlakte tan hnam lirpui a la nghing dawn," a ti a; Zo hnathlak hnam hrang hrangte rorelna pakhat hnuaia an awm theihna tura UNO hmalakna hrang hrang leh hmachhawpte a sawi chhuak a ni.

ZNP inkhawmpui hian resolution pass in, Indian Constitution-a Mizo hnahthlakte Tribal list-a a ziah dan, 'Lushai Tribe' tih chu 'Mizo Tribe' tia thlak an duh thu an tarlang a; UNO Declaration anga Zo hnahthlakte rorelna pakhat hnuaia awm chu Mizote chanvo dik tak a ni a, chumi tur chuan ZNP-in chak taka hma a lâk an duh tih an tarlang.

An resolution-ah chuan, Mizoram leilung hausakna chu Pathianin Mizote haichhuah tura a duan a nih angin, a hlawkna tam ber chu Mizote'n chang se an duh thu leh, Mizoram leilung hausakna sorkar laipuiin a haichhuah mekah, a hlawhtlinna turin Mizoram sorkarin chak taka hma a lak an duh thu an tarlang bawk.

ZNP Assembly-ah hian an Gen.Secretary nilai K Liantlinga hoin "Ram leilung hausakna haichhuah leh a kaihhnawih", advocate C Lalramzauva hoin "Tribal List tuna India sorkarin a kalpui mek dan", tih leh advocate H Laltanpuia hoin "UN Declaration on the Rights of Indegenous People and Zohnahthlak" tih thupuite an zirho a ni.
Powered by Blogger.