Sairang thlenga rel luh chungchang

Sairang thlenga rel luh chungchang
(Mipui te ngaihdan ngaihpawimawh a ani tur a ni)

C. Lalremruata
Zo Indigenous Forum

State Level Task Force On Railway Project in Mizoram meeting hmasaber 2 April 2009 a I & PR Conference Hall-ah neih a ni a, he Task Force hi Union Ministry of Railways chuan kum 2008 khan National Railway Network Project hnuaiah a din a. Member 21 awmna, he project in a tum ber chu Bairabi atanga Sairang thleng rail network siam a ni. A senso tur Cheng Vaibelchhe 519.34 pawh Railway Board in a sanction tawh a. Hna thawk tur hian M/S RITES Ltd chu thlan fel tawh a ni bawk; he rel kawng thar tur thui zawng hi 51 Kms niin, leiverh hmun 16 ah a awm anga, lei a lian chi 11 awm bawkin, lei te chi 123 lai a awm dawn bawk a ni.

India hian Policy lian tak mai pakhat “Look East Policy” a neia , Burma leh South East Asia ram hausakna leh insumdawn tawnna kawng tan India hian Mizoram hman a tuma Chief Minister Pu Lal Thanhawla chuan, tuna Rel Kawng Bairabi atanga Sairang thleng siam tur project hi kum 1997 daih tawh khan hma a lo lak tawh thu a sawi a. Tuna railway project, Bairabi – Sairang siam tur hi zawh fel anih hnu, nakinah chuan tuna bul tan mek Kolodyne Multi Nodal Transport Project avang hian Kawlchaw thleng siam ala tul ngei tur thu a lo sawi tawh bawk a.

Tunlaiin Sairang thlenga Rel luh a nih tur chungchangah sawi a tam hle a, hemi chungchangah hian Mizo Students Union (MSU) chuan 9th April 2009 khan Inrawnkhawmna (Seminar on Railway line extension in Mizoram) a lo buatsaih tawh a, chutih laiin Mizo Peoples Conference Party (MPC) chuan Mizoram laili Sairang thlenga rel lo luh chu tha an tihloh thu an auchhuahpui ve mek bawk a, Mizo Zirlai Pawl (MZP) General Headquarters pawhin hemi chungchangah sawrkar hmasaah dodalna thu an thehluh laiin sawrkar tharah hian an la thehlut lo tih an sawi a, hemi bakah hian party tin te ngaihdan sawipuia kawm an tum a, MNF leh MPC chu an kawm tawh bawk a, hma an la ve reng a, MZP leh MSU te chuan Joint Meeting neia hmalak zel dantur sawiho an la tum a ni.

Prof C. Nunthara chuan “Look East Policy hi India leh SE Asia insumdawn tawnna tur a ni a, keini hi inkalpawhna hmanrua mai lek kan ni ang tih hi chhut a tul, thawnchhuah tur bei ve lawi lovin, India hian min hmangaih tak tak lo a, kan hnam chhiatna a pawisa vak lo ang. Nakin zelah Look East avang hian Multinational company-te an lo luh lek phei chuan kan culture leh hnam hi min chimpil anga min tichhe vek ang tiin a sawi a, “Hetiang hi khawvel hmun hrang hrangah hmuh tur a tam,” tiin a sawi. Economic development ngawr ngawr ni lovin, human & culture development hi third world-a cheng leh hnam hnufual Mizote ang tan chuan a pawimawh thu a sawi, kan than anga than mai chu tawk rihin ka hria” a ti.

Heng Mizoram laili thlenga rel luh duhlo tute duhloh chhan ber chu kan ram leh hnam humhalh nan leh keini aia hnam upa leh fingzawk te, keimahni aia ram chhe zawk leh eizawnna harsa zawka amite hi awlsam takin an lo lut anaga, anmahni khuahkhirhna dan kan neih Inner Line Regulation (ILP Permit kan tih mai) tunah pawh mumallo leh felhlel tak nia sawi kan kalpui te hian awmzia a neilo lehzual dawn a, kan hnam hi chimral kan ni mai ang tih an hlauhna a ni a.

Mohan Lal, Chief Engineer (C), NF Railways chuan India ram hmun dangah hetiang tlangram hmuna rel kawng hautak lutuk siam ala awm ngailo a ti a. Mitam tak chuan engatinge hetiang taka hmun harsaah leh tlangram hmun kherek, lui leh ruam hmunah hian India in hmalak a chak em em tih zawhna siamin Central India tana hlawkna lak kawng atan min duh chauh mai a ni tiin min hmangaih vang leh development an duh vang anilo, mipui min chimral pawi an tilo mai niloin kan hnam hmalam hun tur hi min thlirpui duhlo a ni an ti.

Hmasawnna kawngah inkalpawhna leh pawimawh tak a nia , Silchar kawng pin leh Band avanga kan chawkawng ping ta maa thin te leh thil man han to mai thin te hi thil ninawm ta a ni a, chuvangin kan tan chuan kawngpui inkalpawhna pawimawh fur leh thla, nisa leh ruahsur hnuaiah pawh kan tana eitur lakna kawng pawimahw tak hi kan neih a ngai ve reng a ni.

Amaherawhchu, hmasawnna kawngah hian ram leh hnam, a chhunga cheng mipuite kan inpeih ve phawt chu thil tih makmawh leh pawimawh em em a ni a, hmasawnna hmang leh chhuanlam a hmangin hnam tam tak an ram leh hmun neihte chhuhsak (luih) an lo ni tawh a, a chhunga cheng mipui ten tunhun ngaihtuahlo a, tu leh fa chuan la awmzel tur ngaihtuah rana kal a ngai a ni, chute a nih loh chuan hamsawnan hamng hian ram leh hnam hi awlsam te chimral hlauhawm kan ni mai dawn a ni.

Mizoramah hian hnamdang a bikin Vai kan tihmai te tunhnai mai atang kah an pung chak em em a, a tunhma atangin Assam state chuan an lo buaipui tawh thin abikin Bangladesh atanga a ruka lutru te chungchang hian All Asaam Students Union (AASU) mphei chuan rei tawh tak atang khan he thil hi an lo buaipui in an lo vei em em tawh a ni, Mizoramah pawh mi tamtak Karimganj leh Assam khawimaw laia atanga loka nia insawi tam tak hi Bangladesh atanga a ruka alo lut an nih thin thu anmahni vaiho ngei ka atang hian vawi tam tak ka hre tawh a ni.

2008 MLA inthlan dawn khan Central atangina Prime Minister High Committee on Muslim member pakhata a mimal thil avangin Aizawlah a local a, Lengpui Airport-ah ka zuk hmuak a, thil tamtak kan sawi zingah Mizorama Muslim tam tawhzia leh heng hote chungchangah hian Central pawhin ngaihtuahna a sen angaihthu te ka sawia, a tamzawk hi chu Bangladesh atanga local a nih ka rinthu te sawiin, heng hote hi India dan palzul a India rama lolut ru an nih avangin ngun taka dapchhuah hna ka neih a ngai a ni tih ka sawia, a remchan anga lo bawhzui a tumthu in hril nghe nghe a ni.

Keimahni duhtu niloa kum 1947-a India, Burma leh Bangladesh-a zofate thendarh kan nih hnuah, mi tam takin heng khawvel ramri kham mai main min dan avanga unau leh hnamkhat nilo anga min ngaih thin nate paih a hunt a hle a, Burma lam atanga kan unaute lokalte kan lo dawnsawn dan leh enkawldan kan thiama tul a, chutiang bawkin annni pawhin unite bulah mikhual cham an nihna an inhriat a ngai ve bawk, thilsual titute manchhuah an ram lama kan thawnhaw ang hian heng misual a ruka lo lut ru, kan uanuate pawhnilo lehnghal hi chu kan sorkar hian dapchhuah a, mumal tak hmalak a tul takzet a ni..

Chutiang bawkin Bangladesh lama kan Zo hnahthlakte chenna ram pawh inkalpawh hleihtheih lova a ruka lutru leh misual te mizorama an lo luh loh nana central sorkarin ramri hunghna a thawk bawk a, heng mi hnawksak leh lutru ho hi, a dapchhuak turin YMA, MZP, MSU, MHIP, Kohhran leh khawtlang bakah sorkarin sum leh pail eh therhlo ilo a tham lungawi theihloh mite thlangchhuakin dapchhuak sela, , tichuan an ram lamah thawnhaw ve sela a, ram tana thiltha ti leh constitution huaia india tana hna thawktah kan ni dawn si a.

United Nations chuan kum 2007 kuma General Assembly 62nd session-ah khan UN Headquarters, New York City ah 13 September 2007 khan keini ho ang hna hnuaihnung leh ram leilungfatekhawvel puma mi maktaduai 370 te tan thupuanchhuah pawimawh tak mai “United Nations Declaration on the Rights of Indigenous Peoples” tih chu an passed ta rup maia a, chutah chuan India pawh a duhtu lam ah vote pein an phar ve va a ni. Chutah chuan ram leilung fate nghawngthei thil reng rengah chuan rawn ve zel tur a ni tih te leh an ram leh leilung hausakna boral tur ve vawng sorkain turin hma a la tur a ni tih te a chuang a.

Heng te avang hian India sorkar hian kan ramah relkawng a sial dawn a nih pawhin a ram mipuite duhdan leh ngaihdan te zawt kualin an duhdan chuan a kal mai tur a ni a, Public hearing leh mipui duhdan la loa a kal a nih ngat chuan an ram mipuite dikna leh chanvo (rights) leh International Convention hrang hrang leh United Nations Declaration on the Rights of Indigenous Peoples amah ngeiin a passed na pawha a telve na chu a palzut a ni tihna a ni ang a. Amaherawhchu, mipuiin kan duh a nih chuan mipui tamzawk duhdan chuan sorkar chu a kal mai tur a ni.

Chuvang chuan hemi kawnga hma la duhtu te tan chuan helaia lo tawng buai aia chuan an awmze neiha zawk a tuman tur diktak leh hmalakna tur hmun dik takah tum chat ila, helaia lo tawng buaive satliah ngawtlo hian.

2 Comments

Previous Post Next Post