Asia rama ram leilungfa inzawmkhawm pawl lian ber Asia Indigenous Peoples Pact (AIPP) chuan a vawi 7 an chu September 27-29, 2016 khan Chiang Mai khawpui Thailand-ah Genera Assemby an nei a, Zo Indigenous Forum aiawhin Pu C. Lalremruata, Director chu a tel, khawmpui thupui atan "Strengthening Solidarity to advance Indigenous Peoples Rights - Ram leilung fa pawl hrang hrangte dikna leh chanvo humhimna atan thawhhona thalehzual" tih hman a ni.Kumin Assemby-ah hian member 130 ve telin pawl 5 te chu member thar atan lakluh an ni a, candidate member atan pawl pakhat lakluh a ni bawk. Tichuan tunah hian AIPP hian ram hrang hrang 14 atangin member 51 a nei ta a ni.
Assemby-ah hian Kum 2016-2020 chhung hmalakna tur "AIPP Strategy Plan 2017-2020" pawm a nih bakah policy pawimawh tak tak - Gender Policy, Ethical Fundraising Policy leh Anti-Corruption Policy te pawm a ni bawk, heng bakah hian pawl inawpna hrang hrang te sawi a ni bawk.
Kum 2017-2020 chhung a hruaitu tur te thlan nghal an ni bawk a, Chairperson atan Mr. Kittisak Ratanakrangjangsri, Inter Mountain Peoples Education and Culture in Thailand (IMPECT) leh Secreary General atan Mr. Gam Shimray, Naga Peoples' Movement for Human Rights (NPMHR) te thlan an ni a, Executive Council member 12 dang pawh thlanchhuah an ni. Pu C. Lalremruata, ZIF Director chu Executive Council member thlan thar zingah hian a tel ve a ni.
Hei bakah hian Indigenous Voices in Asia Network leh AIPP buatsaih 3rd Regional Media Exchange chu 1-2 October, 2016 chhung khan neih a ni bawk.