UN Declaration pass tu Mizoram Legislative Assembly hnenah lawmthu sawi nawn

Aizawl, 8 October, 2016: Zo indigenous Forum chuan October Ni 8, 2015-a Mizoram Legislative Assembly-in, "UN Declaration on the Rights of the Indigenous Peoples" (UNDRIP) chák zawka hmalak a nih theihna atana hmalakna tur resolution-a passed kumkhat tlinna champha a lo thlen hian, Mizoram Legislative Assembly member zawng zawngte hnenah lawmthu a sawi nawn leh a ni.

Hetih lai hian he resolution tihlawhtling tura India sorkar hmalakna kan ngaichang reng a, hmalakna a muang kan tiin tihhlawhtlin thuai a nih theihna'n chak lehzuala hma la turin Mizoram sorkar leh India sorkar kan ngen a ni.

UNDRIP hian ram leilung fate dikna leh chanvo a rawn tarlang nawn leh a, ram neitu kan nih avangin - ram, leilung leh a chhunga hausakna pawh kan tã a nih thu te, kan hnam zia leh tihphung bakah, kan eizawnna te humhima vawng nung tura dikna chanvo leh sorkar mawhphurhnate tarlangin, pipu atanga thiamna bil kan neih (traditional knowledge) te pawh vawng nunga chhawm nung tura kan dikna chanvo te pawh a awm a, hmasawnna hnathawh dawn reng rengin a ram neitu biakrawna an phalna lâk hmasak (free, prior and informed consent - FPIC) chungchang pawh a ngai pawimawh hle a ni. India sorkar pawh he UNDRIP passed a nih laia  thlawptu a nih ve avangin tihhlawhtlin hi an mawhphurhna leh tihmakmawh a ni a, chuvangin a hlawhtlin theihna'n chak taka hmala turin kan ngen nawn mawlh mawlh a ni.

Mizo mipui te pawh kan dikna leh chanvo humhima chawikan a nih theihna'n UN Declaration on the Rights of the Indigenous Peoples (UNDRIP) zirchianga hrefiah turin kan infuih nawn leh a ni.