Aizawl, 9th August 2019: Zo Indigemous Forum chuan vawiin August Ni 9, 2019 khan MZP Conference Hall-ah International Day of the World's Indigenous Peoples day lawmna MZP Conference Hall-ah a nei a. UNO General Assembly chuan kum 2019 hi “International year of Indigenous language” atan a puang a, kumin Indigenous Day thupui atan pawh “Indigenous Language” tih a ni. Hemi denchhen hian Zo Indigenous Forum chuan Pang tawng leh lam te hnamzia tilang thei tur thil te chu dahthat a nakin zela miten an lo hriat theih nan a buatsaih a, vawiin hian ge documentation hi tlangzarh nghal a ni bawk.
Khawvelah hian tawng chi 6000 atanga 7000 bawr vel a awm niin mithiamte chuan an chhut a, Tawng zirtute ten tawng hi peng hrang hrang 100 chuang hretah an then hrang a. Zirbingtu pakhat Krauss (1992) chuan khawvel tawng zinga 80% te chu kum za a liam leh meuh chuan a bo vek tawh dawn tiin a chhut a, Tunah hian khawvel tawng 96 % te chu khawvel mihring 4 % chauh ten an hmang tawh a ni. (Crystal, 2000). Tawng hian boral a hnaih tih a lanna pakhat chu tawng hmang tuten an hman chhun zawm loh emaw tawng dang an hman san daih hian a ni, hmangtu an awm tawh loh chuan tawng hi a boral mai thin. Hmangtu an awm eih tawh loh anih vai chuan tawng chu a thi ngei ngei thin.
The United Nations Educational, Scientific and Cultural Organization (UNESCO) chuan tawng boral mek theih dan kawng panga(5) a tarlang a;-
- “A him emaw him lo” (naupangin pawn lama an hman lovin)
- “Him lo chiang tawh” (naupangin a hman tawh lovin)
- “Dinhmun derthawng hle tawh” (upate chauhin an hman in)
- “Ngaihtuah awm khawpa derthawng” (Kumupa lam chauhin an hmanin, chu pawh a chang chang chauhin)
UNSECO in kum 2011 a chhut dan chuan zohnathlak tawng chi 10 aia tam chu boral hlauhawm niin a tarlang a, chung zingah chuan Pang tawng pawh hi ala telhlo zawk hial a ni.
Tin, chawhnu lamah Draft Indian Forest (Amendment) Bill 2019 chungchang zirhona neih a ni bawk a, he dan hi Mizo te tan dan thalo tak a ni tih sawilan a ni a, Mizo mipui tam zawk hi thingtlang lo neia eizawng kan ni a, tuahthing leh chawhmeh leh mamawh (non-timber forest product) te pawh ramngaw atang hian kan la thin a, he dan duanmek ang hian chuan chhungkaw tin min ngawng vek dawn a ni. He dan ruahmanna hian India Constitution Article 371 (G) Mizoram bik tan liau liaua siam chu a rawn khawih che nasa dawn hle a. Article 371 (G) (a) (iii) chuan mizo hman dan anga thubuai remna leh (iv) naah ram leh a neitu nihna chungchang a rawn sawi chu he dan hian he constitution chhunga Mizoram sorkar thuneihna leh kan in hungbikna sadai chu a rawn thiat dawn a ni tih tarlan a ni a, tin hian Indigenous Peoples Rights leh UNDRIP bung hrang hrang te a bawhchhe nasa hle a ni. (Article 8, 25, 26, 32.). He dan duanthar chungchang hi chiang zawkin chawhnu lamah zirchianna kan nei dawn bawk a ni.
Pang Zirlai Pawl Joint Headquarter Aizawl chuan vawiin vek hian thuchhuah siamin he dan duanmek hi a ṭhat lohzia hriain keini Pang Zirlai Pawl, Joint Headquarters : Aizawl chuan he Bill hi Passed lo turin kan duh a, Zo Indigenous Forum (ZIF) hmalakna hi kan thlawp tlat dawn a ni an ti.