UN Special Rapporteur hnenah Draft Indian Forest (Amendment) Bill 1927 thlen

Aizawl, 1st August 2019: Zo Indigenous Forum (ZIF) chuan Nimin July Ni 31, 2019 (Nilaini) khan UN Special Rapporteur on the Rights of Indigenous Peoples Pi Victoria Tauli Corpuz hnehah Draft Indian Forest (Amendment) Act 1927 chungchang an thlen, an thu thlenah he dan duan mek hian India Constitution Article 21 leh 22 na Fundamental Rights  a kalh ani tih an sawi a, chu bakah Mizoram in India constitution chhunga inhungbikna leh ram leh a chhunga thil awmte neitu kan nihna Article 371 (G) chu nasa takin a a kalh a ni tih an thlen tel bawk.

An thu thlenah chuan ram leilungfa (Indigenous peoples) te ram leh leilung hausakna chu nasa tak neksawr leh laksawn sak an ni dawn tih sawiin, ramngaw te pawh duh anga mipui hman theih loh a hlauhawm thu thlenin, United Nations Declaration on the Rights of Indigenous Peoples (UNDRIP) bung hrang hrang 8, 25, 26, 32 te hi a he danthar duan mek hian a kalh a ni tih an sawi a, Constitution hnuaia thuneihna bik nei Autonomous District Council thuneihna pawh nasa takin a nghawng dawn a ni an ti.

An thu thlen hi Ms. Anne Nuorgam, Chair, United Nations Permanent Forum on Indigenous Issues (UNPFII) leh Ms. Kristen Carpenter, Chair, Expert Mechanism on the Rights of Indigenous Peoples (EMRIP) bakah UN mithiam hrang hrang te a copy hi an pe bawk. UN Special rapporteur hnena an thu thlen hi heng pawl hrang hrang Mizo Upa Pawl (MUP) Gen. Hqrs, Zo Reunification Organisation (ZORO), Mizo Zirlai Pawl  (MZP) Gen. Hqrs,  Mizo Students Union (MSU) Gen. Hqrs, PRISM Society ten an thlawpna thu an ziak tel bawk a ni.


Post a Comment

Previous Post Next Post