PRESS RELEASE
Dated Aizawl, the 29th September, 2020
Zo Indigenous Forum (ZIF) chuan vawiin September 29, 2020 khan Pi Rekha Sharma, Chairperson, National Commission for Women (NCW)-ah August Ni15 2020 tlai lama Sesih hmeichhe pahnih chunga Assam Rifle te mawilo taka an chetna chungchang an thlen a, a copy hi Mizoram State Commission for Women (MSCW) kan pe tel bawk.
Kan thuthlenah hian Champhai Police Station ah case ziahluah niin Case No. 87 of Dt 20.08.2020 U/S IPC 254/354(A) 354 (D)/509) pek a ni a, chubakah Mizoram State Commission for Women (MSCW) hnenah August Ni20, 2020 khan complaint an thehlut tawh tih an sawi bawk a, hei bakah hian September Ni 9, 2020 khan Warrant of Arrest tihchhuah a ni tawh bawk a, , he thil thlen atanga thla khat a ralhnu vawiin thleng pawhin heng sipai te man an la nilo hi mak kan ti hle a ni.
NCW chu he thilthleng chungchang a rang thei ang bera zirchiang tur leh dan bawhchhetu te chu dan anga man an nih vat theih nan chunga hma la turin kan ngen a, tun thlenga heng thil tisualtu la humtu thuneitu pawh dan anga hrem turin kan ngen bawk.
Zo Indigenous Forum chuanram leilungfa ten kan dikna leh chanvo humhim a nih theih nan leh kan hnam zahawmna humhim a nih theih nan hma an la zel dawn a ni.
J. ROCHUNGNUNGA
Coordinator